Bugun guruh bosqich 1-tur o'yinlariga start beriladi. Top-klublar bo'yicha barcha narsani bilasiz, ammo bosh evrokubok musobaqasida autsayderlar ham bor. Ularning ayrimlariga qayg'urgingiz ham keladi. Biz oltita shunday jamoani tanladik.
"Reynjers"
Mamlakat: SHotlandiya
Bosh murabbiy: Jovanni van Bronkxorst
Taniqli futbolchilar: Borna Barishich, Jeyms Taverne, Alfredo Morelos.
Ikki buyuk shotland klubidan birining CHempionlar Ligasiga qaytishi uzoq vaqtni oldi. Jamoa so'nggi bor evrokubokda 2010/2011 yilgi mavsum (MYU, "Valensiya" va "Bursaspor" bor guruhda uchinchi bo'ldi)da o'ynadi. SHundan so'ng bankrotlik, pastki ligalarga tushib ketish, yuqoriga ko'tarilish, uzoq vaqtdan so'ng chempionlik va o'tgan mavsum Evropa Ligasidagi final. "Reynjers" CHempionlar Ligasiga to'g'ridan-to'g'ri chiqqani yo'q: saralashda Belgiyaning "Union" jamoasi (0:2, 3:0)ga qarshi kambek qilishga va PSV (2:2, 1:0)ni yutishga to'g'ri keldi.
"Reynjers"ni murabbiylarni tanlashi hayron qoldiradi. Klub 2018 yilda Stiven Jerrardga imkoniyat berdi (bundan afsuslanmadi), 2021 yilda esa angliyalikning o'rnini boshqa bir afsona egalladi — niderlandiyalik Jovanni van Bronkxorst.
"Reynjers" og'ir guruhga tushdi. "Ayaks", "Liverpul" va "Napoli" — ushbu barcha jamoalar kamtargina shotlandlardan kuchli ko'rinmoqda. Bunday autsayderga g'amxo'rlik qilmaslikning iloji yo'q!
"Bryugge"
Mamlakat: Belgiya.
Bosh murabbiy: Karl Xufkens.
Taniqli futbolchilar: Simon Minole, Dedrik Boyata, Roman Yaremchuk.
Belgiyaliklar so'nggi yillarda evrokuboklarda o'ynashga o'rganib qolishdi — ushbu ishtirok ular uchun beshinchi bo'ladi. "Bryugge" har safar bosh autsayderlardan biri hisoblanadi, ammo ular uchinchi o'rinni egallashni va Evropa Ligasiga yo'l olishni xush ko'rishadi.
"Bryugge" "Reynjers"dagiday qiyin guruhda emas, ammo raqiblar baribir kuchli: "Portu", "Atletiko" va "Bayer". Belgiyaliklar uchun muxlislik qilamizmi?
"Viktoriya Plzen"
Mamlakat: CHexiya
Bosh murabbiy: Mixal Bilek
Taniqli futbolchilar: yo'q
Bir vaqtning o'zida omadi kelgan va kelmagan jamoa. "Viktoriya" "o'lim guruhi"ga tushdi va katta ehtimol bilan "Bavariya", "Barselona" va "Inter"ga ochko etkazib beradigan bosh jamoa bo'ladi. Tanganing ikkinchi tomoni: CHexiyaga bir yo'la uchta grand boradi (anshlag kafolatlangan), har qanday durang yoki g'alaba sensaciya va bayram bo'ladi. Aytgancha, "Viktoriya" CHempionlar Ligasida tarkib narxlari bo'yicha oxirgidan ikkinchi o'rinda.
SHunchaki ko'ring, "Viktoriya" futbolchilari qura natijalariga qanday munosabat bildirishgan!
"Viktoriya" muxlislik qilishning yana bir sababi — ularning guruh bosqichigacha yo'li. Jamoa 2-saralash bosqichidan boshladi va barcha qiyinchiliklarni engib o'tdi. XIK, "SHerif" va "Karabax"ga qarshi o'yinlarda bittasini hisobga olmaganda, barchasi "Viktoriya"ning g'alabasi bilan yakunlandi.
"Dinamo", Zagreb
Mamlakat: Xorvatiya
Bosh murabbiy: Ante CHachich
Taniqlik futbolchilar: Dominik Livakovich, Mislav Orshich.
"Dinamo"ning guruhi qiziqarli. Bu erda yaqqol favoritlar bor — "Milan", "CHelsi" — va "Red Bull Zalcburg" ehtimoliy syurpriz bo'lishi mumkin. Aytgancha, avstriyaliklarni bu bandda bonus sifatida yozish mumkin. Bu CHempionlar Ligasidagi eng yosh jamoa bo'lib, ular muxlislarni doimiy ravishda yorqin o'yin bilan xursand qilishadi.
"Kopengagen"
Mamlakat: Daniya
Bosh murabbiy: Yess Torup
Taniqli futbolchilar: Metyu Rayan, Viktor Klasson
Kuchli guruhdagi CHempionlar Ligasida eng arzon tarkibga ega oddiy jamoalardan biri. Menimcha, birinchi o'rinda kim bo'lishi oldindan malum: futbolchilari "Kopengagen"dan 15 barobar qimmat bo'lgan "Manchester Siti" (1,04 mlrd evroga qarshi 70,5 mln evro). Kamtar daniyaliklar uchinchi o'rin uchun "labbay" deb kurashishgan bo'lishardi, ammo buning uchun nimadir qilib "Sevilya" va "Borussiya" (Dortmund) bilan kurashga kirishish kerak. Ular buni uddalashsachi?
"Makkabi", Xayfa
Mamlakat: Isroil
Bosh murabbiy: Barak Baxar
Taniqli futbolchilar: yo'q
Bu mavsum CHempionlar Ligasidagi bosh autsayder. "Makkabi" haqida bir necha faktlar:
— jamoa tarixida atigi uchinchi bor CHempionlar Ligasi guruh bosqichiga chiqdi;
— "Makkabi"ning o'tgan safargi CHLdagi ishtiroki bundan 13 yil oldin bo'lgan va jamoa o'shanda guruhdagi barcha olti o'yinni boy bergan;
— musobaqadagi eng arzon tarkib — atigi 21,7 mln evro;
— jamoadagi eng qimmat futbolchi — 30 yoshli himoyachi Abdulaye Sek (3 mln evro). Uni bir necha kun oldin xarid qilishdi.
"Makkabi"ning guruh bosqichiga chiqish yo'li oson bo'lgani yo'q. Jamoa 2-saralash bosqichidan boshladi va yo'lida "Olimpiakos"ni mag'lub etdi. SHunchaki yutmadi, balki uydagi durangdan so'ng mehmonda yirik hisobda taslim etdi. Keyingi raqib Kiprning "Apollon" jamoasi bo'ldi, "Makkabi" pley-offda yana autsayder sifatida ko'rildi. Ammo, undan ham o'tdi! "Crvena Zvezda"ning chiqib ketishi esa haqiqiy sensaciya bo'ldi.
"Makkabi" qura tashlash marosimida "o'lim guruhi"ga tushishi mumkin edi va yakunda bu joyni "Viktoriya" to'ldirdi. Ammo, Isroil jamoasi raqiblari baribir jiddiy: PSJ, "Yuventus" va "Benfika".
Alisher Ostonov tarjimasi
Bosh sahifaga
204