"Qo'qon-1912"ga qarshi kechgan o'yindan so'ng "Bunyodkor" murabbiyi Marat Miftaxutdinov championat.asia saytiga fikrlarini bildirib o'tdi.
"5 yanvar sanasidan yig'inga kirishdik. Mashg'ulotlar rejadagidek davom etmoqda. 23 yanvar kuni Farg'onaga yo'l olamiz, unda "Hokim kubogi" musobaqasida ishtirok etishimiz rejalashtirilgan. U erdagi uchrashuvlarda ishtirok etish orqali bir qator futbolchilarni sinovdan o'tkazamiz. Mazkur turnir biz uchun foydali bo'lishi shubhasiz.
Havotirga solayotgan jihat bu himoya chizig'i. O'tgan mavsum bu poziciyada o'ynagan futbolchilar jamoani tark etdi. Markaziy yarim himoyadan ko'nglimiz to'q. SHuningdek tayanch yarim himoyasiga yangi qo'shilgan legioner futbolchi jamoaga yordam berishiga ishonaman. Hujumni kuchaytirish maqsadida taklif qilingan Ibrohim Tomiva ayni paytda ko'rikda bo'lib turibdi. Bundan tashqari Mirjahon Mirahmadov va SHahboz Erkinov ham bor. Umumiy qilib aytganda faqat himoyada muammolar mavjud",- deydi Miftaxutdinov.
Bosh sahifaga
209