"Bavariya" ustozi Germaniya termasini qabul qilib oladimi?

"Sport Bild" xabariga ko'ra, nemis futbol ittifoqi "Bundestim" boshqaruvi uchun yangi murabbiy izlashni boshlab yuborgan. Rahbariyat oldindan Yoaxim Lyovning ishlaridan norozi bo'lgan, Ispaniyaga qarshi o'yindan keyin yakuniy qaror qabul qilingan. Hozir Germaniya terma jamoasi murabbiyligi uchun "Bavariya"ni boshqarayotgan Xans-Diter Flik nomzodi ko'rib chiqilyapti. Gap shundaki, 55 yoshli mutaxassis Myunxen klubini tark etishi mumkin. U klub rahbariyatining bir nechta qarorlari, jumladan, Alaba va Boateng "Bavariya"ni tark etayotganidan norozi.