Vladimir Ejurov: "Bunyodkor" bizni xayron qoldirdi..."

"O'yin qiyin o'tdi. Sababi ko'p futbolchilar hali talablarimizni to'liq tushunib etishmagan. Bundan tashqari jamoa o'yinida tartib ham bo'lishi kerak. Hozir mana shuning ustida ishlayapmiz. Agar tartibni yo'lga qo'ya olsak barchasi yaxshi bo'ladi.

O'yin bo'yicha esa yigitlarga rahmat aytaman. Oxirigacha kurashishdi va haqli g'alabaga erishishdi.

"Bunyodkor"ning o'yinini o'rganib chiqqandik. Ammo bugun raqib bizni xayron qoldirdi. Faqat bahs boshida yigitlarimiz "Bunyodkor" qanday o'ynayotganini tushunib olishlariga vaqt ketdi, shundan keyin tashabbus biz tomonga o'tdi", - dedi Vladimir Ejurov.