Mbappening "Yuve"ga qarshi o'yindagi qarorlaridan Neymarning jahli chiqdi

Kilian Mbappe va Neymar "Yuventus" bilan o'yindan so'ng hujumda qanday harakat qilayotganliklari haqida gaplashishdi.

"L’Équipe" nashri xabariga ko'ra, Neymar Mbappening CHempionlar Ligasi guruh bosqichidan o'rin olgan PSJ – "Yuventus" (2:1) o'yinida qabul qilgan qarorlari tufayli g'azablangan.

Braziliyalik futbolchi shunchalik norozi ediki, klubning matbuot anjumanida ishtirok etishni xohlaysizmi, degan savoliga hujumchi shunday dedi: "Ishonchingiz komilmi? Aniqmi? CHunki bugun jurnalistlar bilan gaplashsam, bu muammolar tug'diradi!"

Mbappe jarima maydonchasiga yorib kirib, o'tkir burchakdan darvozaga zarba yo'lladi, o'sha paytda Neymar uzoq ustunda yolg'iz turgandi. O'shanda Kilian o'zi zarba berdi va mo'ljalni aniq olmadi. Bu epizod braziliyalikning jahlini chiqardi.

"L’Équipe" xabariga ko'ra, Neymar va Mbappe o'yindan so'ng uchrashib, muayyan vaziyatlarda bir-birlariga pas berishmagani haqida gaplashishgan.

Avvalroq Mbappe PSJning penalti tepuvchi asosiy futbolchisi etib tayinlangani uchun futbolchilar o'rtasida kelishmovchilik yuzaga kelgani aytilgandi. Neymar bu bo'yicha Kristof Galte tanqid qilingan ikkita tvitga "layk" bosgan, biroq o'shanda masala hal qilingandi.

Malumot uchun, "Yuventus" bilan o'yinda dublga erishgan franciyalik futbolchi gollaridan birini Neymarning uzatmasidan so'ng urdi.