Mirjalol Qosimov: "Quyi o'rinlarda borayotgan jamoalar o'z o'rnini saqlab qolish uchun jon-jahdi bilan harakat qiladi"

Qo’qon-1912

Superliga. 18-tur 09/09/2022, 18:30 0 : 0 Tugadi

AGMK

45'

90'

17'  Javohir Sidiqov

21'  Anzur Ismoilov

45'  Dilshod Ahmadaliev

64'  Shohruh Gadoyev

Match-senterda ochish

O'yin haqida

- Qiziqarli va kurashlarga boy uchrashuv bo'ldi. Albatta, haqli durang natija qayd etildi. Birinchi bo'limda "Qo'qon-1912" jamoasi qarshi hujumlarda juda yaxshi harakat qildi. SHohnazar Norbekov hujumda himoya chizig'imiz vakillariga qiyinchilik tug'dirdi. Ikkinchi bo'limda o'yin tizginini o'z qo'limizga oldik. Bunaqa o'yinlarda imkoniyat ko'p bo'lmaydi. Vaziyatlardan urish kerak. Vaqt oz qolganidan harakat tezlashadi va shundan xatolar yuzaga keladi. 

- "Qo'qon-1912"da Ivan Yosovich, Anvar Hojimirzaev, Bilolxon Toshmirzaev, Aleksandr Merzlyakovlar maydonga tushmadi. Kuchsizlangan jamoani engish uchun AGMKga nima etishmadi?

- Albatta gol etishmadi. Kuchsiz demayman, quyi o'rinlarda borayotgan jamoalar bilan har doim qiyin bo'ladi. Ular Superligada qolish uchun jon-jahdi bilan kurashadi. Muxlislarga gol kerak, g'alaba kerak, bizga gol etishmadi. 

- Valijon Rahimov nega 2 ta o'yindan buyon maydonga tushmayapti?

- Unda jarohat bor.

- Keyingi turda "Paxtakor" bilan o'ynaysizlar. Kuchli jamoaga qarshi o'yinda yo'qotilgan ochkolar o'rnini to'ldirilishiga ishonasizmi?

- Har bir o'yinga jiddiy yondashamiz. Taqvim bo'yicha o'ynaymiz, g'alaba uchun harakat qilamiz.

- "Nasaf" bilan kubok o'yinida final uchun harakat qilasizlarmi?

- Albatta, harakat qilamiz (kuladi), axir klubdagi barcha harakatlar sovrin yutish uchun amalga oshirilayapti. Yarim finalgacha oson bo'lmadi. Osiyo kubogi yo'llanmasi uchun o'yin bo'ladi.