Transfer oynasi yopiq. Ammo, klublarda hali ham tarkibni kuchaytirish uchun variantlar bor. Bozorda har qanday vaqtda shartnoma imzolash mumkin bo'lgan erkin agentlar o'z soatlarini kutishmoqda. Masalan, Diego Kosta deyarli "Vulverxempton"ga o'tdi.
Ammo, ular orasida boshqa etarli darajada taniqli shaxslar ham bor. Ular haqida hozir gaplashamiz. 7 nafar hoziroq shartnoma imzolash mumkin bo'lgan erkin agentlar.
Jeyson Denayer
Tajribali himoyachilar hozirda yuqori darajada qadrlanadi. SHu sabab Denayerning klubsiz qolishi g'alatiroq. 27 yoshli markaziy himoyachi iyulda "Lion"dan ketdi va shundan beri erkin agent maqomida yuribdi. Belgiyalikda yuqori darajada o'ynash bo'yicha katta tajriba bor.
U "Sanderlend", "Seltik", "Galatasaroy" va "Lion"da o'ynashga ulgurgan va 139ta o'yinda 8ta gol urishga erishgan. Denayer — erkin agentlar ichida eng qimmati. U 14 million evroga baholanmoqda. Futbolchiga APL va A Seriyadan qiziqish bor, ammo u hali ham ishsiz yuribdi.
Dan-Aksel Zagadu
Klub topa olmayotgan yana bir taniqli himoyachi. Zagadu iyulda Dortmundning "Borussiya" klubidan ketdi va hali ham ishsiz yuribdi. Hozirgacha 23 yoshli markaziy himoyachini hech kim hech bo'lmasa rotaciyaga olmagani ham qiziq. Francuz yosh, ammo malum tajribaga ega.
U Bundesligada 94ta o'yinda maydonga tushgan. O'yinchiga "Inter" va "Roma"ning qiziqishi xabar qilindi, ammo italyan klublari u bilan shartnoma imzolash uchun jiddiy harakat qilmadi. Ammo, Simone Inzagi Milanga yana bir himoyachini olib kelish zarurligini aytgan edi.
Denni Rouz
Rouzni ingliz futboli muxlislari yaxshi bilishadi. U Premer-ligada 202ta, CHempionshipda esa 32ta o'yinda maydonga tushdi. 32 yoshli chap qanot himoyachi ijarada ko'p yurdi. U "Piterboro", "Bristol", "Sanderlend" va "Nyukasl"da o'ynagan. Futbolchining so'nggi klubi "Uotford" bo'lgandi va u jamoani erkin agent maqomida tark etdi.
Rouz hech qachon Angliyadan tashqarida o'ynamagan, ammo Premer-ligada unga hozircha katta qiziqish yo'q. Tajribali fulbekni CHempionshipga taklif qilishga tayyorlar, ammo u katta ehtimol bilan yaxshiroq taklifni kutadi.
Fabian Delf
Angliyaning ikki karra chempioni hozircha ishsiz. Delf ham Rouz kabi deyarli butun faoliyatini APLda o'tkazgan. 32 yoshli xavbekning so'nggi klubi "Everton" bo'lgan edi va u Mersisayd jamoasini iyulda tark etgandi. U bunga qadar "Manchester Siti", "Aston Villa" va "Lids"da o'ynagan.
Delf Premer-ligada katta tajribaga ega, ammo hech qaysi klub hozircha unga jiddiy qiziqish bildirmayapti. Bu boshqa ligalarga ham taaluqli. Ammo, bu vaqtinchalik bo'lishi mumkin. Tajribali yarim himoyachida albatta faoliyatini davom ettirish uchun qiziqarli taklif chiqishi kerak.
Xatem Ben Arfa
Ben Araf tez-tez klubini o'zgartiradi. Francuz Liga 1, APL va La Ligada o'ynashga ulgurdi. 35 yoshli xavbekning so'nggi ish joyi "Lill" bo'lgan edi, u ushbu jamoada o'tgan mavsumning ikkinchi qismini o'tkazdi. Ammo, futbolchining u erdagi ishlari yaxshi ketmadi.
Ko'p ham o'ynamagan Ben Arfa aprelda murabbiy bilan ham urushdi. U 1 iyulda erkin agentga aylandi. Xatem katta ehtimol bilan takliflarni kutadi, sababi u faoliyatini yakunlash haqida malum qilmadi. Ammo, unga katta qiziqish bildirilmayapti.
Yosip Ilichich
Ilichich uzoq vaqt "Atalanta" uchun muhim o'yinchi bo'ldi. Sloveniyalikning bir mavsumda gol+pas tizimida 20dan ortiq ochko jamg'argan paytlari bo'ldi. Ammo, uning ishlari so'nggi paytlarda pasaydi. Yakunda, tomonlar xayrlashishga qaror qilishdi. 34 yoshli xavbek yozgi transfer oynasi paytida bergamoliklarni tark etdi va erkin agentga aylandi.
Ilichichning shaxsiy muammolar sabab faoliyatini yakunlashi mumkinligi aytildi, ammo futbolchi bu malumotni rad etdi. Sloveniyalik hali butsalarini mixga ilmoqchi emas. Ammo, shu bilan birga uning faoliyatini qaerda davom ettirishi malum emas.
Endi Kerroll
Kerrollning shonli kunlari allaqachon ortda qolgan ko'rinadi. Ammo, bu uning boshqa hech kimga kerak emasligini anglatmaydi. Endi — tajribali forvard. U faoliyatini faqat Angliyada o'tkazdi. 33 yoshli hujumchi "Nyukasl", "Preston", "Liverpul", "Vest Xem", "Reding" va "Vest Bromvich"da o'ynagan.
Kerroll iyuldan beri erkin agent maqomida yuribdi. Forvardda Angliyaning oliy ligasida katta tajriba bor, ammo u CHempionshipga borishga ham uyalmaydi. Bu yigitning faoliyatini yakunlashiga hali erta, shu sababi uni yana Angliya maydonlarida kutamiz.
Alisher Ostonov tarjimasi
Bosh sahifaga
240