Unda "Boka Xuniors" va "River Pleyt" jamoalari uchrashdi. Uchrashuv taqdirini ikkinchi bo'lim o'rtalarida urilgan yagona gol hal qildi – Benedetto burchakdan oshirilgan to'pni boshi bilan darvozaning chap burchagiga yo'naltirdi.
Argentina. Primera. 18-tur
"Boka Xuniors" – "River Pleyt" 1:0
Gol: Benedetto 65'
CHetlatish: Roxo (90+7) ("Boka Xuniors")
Hakam futbolchilarning qo'polligini sariq kartochka bilan jazolab bordi va ularning soni o'n bittaga etdi. "Manchester Yunayted" sobiq himoyachisi Markos Roxo qo'shim berilgan daqiqalarda Nikolas de la Krusning boshiga oyog'i bilan sakrab, uni mayib qilib qo'yishiga sal qoldi.
Qizig'i, bu g'alaba "Boka"ning qarama-qarshiliklar tarixidagi 91-g'alabasi bo'ldi. Klublar 83 marta durang o'ynagan, yana 84 marta esa "River Pleyt" g'alaba qozongan.
Argentinaning joriy chempionatida "Boka Xuniors" 8 ta o'yindan beri mag'lub bo'lmayapti (6 ta g'alaba, 2 ta durang) va 32 ochko bilan turnir jadvalida to'rtinchi o'rinda bormoqda. "River Pleyt" esa 7 o'yindan iborat mag'lubiyatsiz seriyasini yakunladi va 29 ochko bilan ettinchi o'rinni egallab turibdi.
Bosh sahifaga
231