Antonio Kontening "Tottenxem"i mavsumni ajoyib oshladi — jamoa APLda mag'lubiyatsiz ketmoqda (4ta g'alaba va 2ta durang), CHempionlar ligasida ham "Marsel"ga qarshi g'alaba bilan boshlashdi. Ammo, omadli seriyani kutilmaganda Lissabonning "Sporting" klubi buzib qo'ydi — o'yin so'nggida 3 ochkoga ega chiqishdi.
O'yin davomida xavfli vaziyatlar uncha ko'p bo'lmadi, ammo taxminan 70-daqiqalarda "Tottenxem" o'z maqsadiga baribir erishadigandek ko'rindi. Deyan Kulusevski o'yinga juda faol kirishdi, London jamoasi bosim qildi — ikkita yaqqol vaziyat yaratdi. Ammo, "Sporting" avvaliga o'yinni chetga surdi, so'nggi daqiqalarda esa ko'plab vaziyatlarni yaratdi.
88-daqiqada o'ng lateral Pedro Porro qanotdan markazga o'tdi va zarba berdi, Loris to'pni qiyinchilik bilan chiqarib yubordi. Zaxiradan o'yinga tushgan Paulino (portugaliyalik markaziy hujumchi, "Barsa" sobiq o'yinchisi emas) bosh bilan darvozani ishg'ol qildi.
Lissabonlik muxlislar golni nishonlayotgan bir paytda, murabbiy Ruben Amorim maydonga braziliyalik vinger Artur Gomesni tushirdi, u esa qanotda himoyachilarni aldagan holda, ikkinchi golni urdi. Haqiqiy Joga Bonita.
Gollar orasida uch daqiqa atrofida vaqt o'tdi, ammo aslida atigi 43 soniya o'yin vaqti — 2 daqiqa o'yinchi almashtirishga ketdi.
Xulosa: Ruben Amorim ikki zaxirasi bilan o'yinni o'zgartirib yubordi. "Sporting" ushbu yozda maydon markazidagi asosiy o'yinchilarini yo'qotdi (Joau Palinya va Mateush Nunesh) va mavsumni og'ir boshladi, ammo CHempionlar Ligasida 2ta o'yin va 2ta ajoyib g'alabalar.
VIDEO ECHL. "Sporting" - "Tottenxem" 2:0
Va bu qiyin guruhda etarli darajada oldinga siljish.
Konte tez-tez evrokuboklardan chiqib ketadi — hatto CHL guruhidan ham ko'pincha chiqolmagan
Antonio Konte "Sporting"ning ilk golidan so'ng yomon ahvolda ko'rindi. Uning jamoalari evrokuboklarga qadar etib bormasligiga ko'nikkan. Ammo, bunga ko'nikish ham mumkinmi?
SHunchaki o'ylab ko'ring, ushbu mavsumni hisobga olmasa, Kontening 5 jamoasidan 3tasi guruhlardan chiqa olmagan — bular juda ham kuchli "Yuventus" (2013/14 yilgi mavsum) va "Inter" (2019/20 va 20/21) edi.
Ammo, Konte hatto pley-offga chiqqanda ham, yoki to'xtagan yoki 2013 chorak finaldan musobaqani yakunlash uchun 1/8 finalda "Seltik"ni mag'lub etgan.
Evropa ligasida yaxshiroq: u erda "Inter" bilan finalda mag'lubiyat va "Yuventus" bilan yarim final — achinarli, sababi uydagi finalsiz qolib ketishgandi.
"Tottenxem" bilan ham evrokuboklardagi muvaffaqiyatsizlik davom etdi: dastlab Sloveniyaning "Mura" jamoasiga yutqazishdi, so'nggi turda esa jamoadagi koronavirus bilan bog'liq muammo sabab o'yinga borishmadi va texnik mag'lubiyat olishdi.
Bu tasodifmi yoki sabab bormi?
Kontega evrokuboklarda B rejasi etishmasligini aytishadi. Jamoasida nimadir yaxshi ketmayotgan bo'lsa, u zaxira varianti taklif eta olmaydi.
"Konte darajasidagi murabbiy o'z paytida g'oyalaridan voz kechib, jamoaga foyda keltiradigan o'zgarishlarga qo'l ura olishi kerak", — deb yozdi "Inter"ga muxlislik qiladigan jurnalist Fabricio Byazin. Bu haqda Kapello, Veri, Materacci va boshqa ko'plar aytishgan.
Yana bir muhim jihat — Antonio uchun o'yinga tayyorgarlik muhim, ammo hafta o'rtasida o'yin tashkil etilsa, u kerakli variantni ishlab chiqishga ulgurmaydi.
"Tottenxem" bossi Deniel Levi 170 million evrolik sarmoyadan so'ng "Sporting", "Marsel" va "Ayntraxt" o'rin olgan guruhdan chiqishni kutayotgani aniq.
B rejani izlashga to'g'ri keladi.
"Sporting" (Portugaliya) – "Tottenxem" (Angliya) 2:0
Gollar: 1:0 – 90 Paulinyu, 2:0 – 90 Artur.
"Sporting": Adan, Porro, Koates, Mateus Reys, Inasiu, Nunu Santush (Eshgayyu, 90), Ugarte, Morita (Aleksandropulos, 71), Pedru Gonsalvesh, Edvards (Artur, 90), Trinkau (Paulinyu, 76).
"Tottenxem": Loris, Emerson, Dayer, Devis, Romero, Perishich, Xeyberg, Bentankur, Son Xyon Min (Kulusevski, 72), Keyn, Risharlison.
Ogohlantirishlar: Bentankur (61), Morita (63), Mateus Reys (75), Emerson (81), Xeyberg (84).
 Sporting CP Paulinho - 90', Arthur - 90' | Champions League Grp. D . 2-tur 13/09/2022, 21:45 0 : 2 Tugadi |  Tottenham Hotspur |
Stadion: Estadio Jose Alvalade, 39899 tomoshabin
Bosh hakam: Srdjan Jovanovic
Alisher Ostonov tarjimasi
Bosh sahifaga
99