"RB Zalcburg"ga qarshi o'yinda ochkolar yo'qotildi.
Grem Potter ushbu o'yinga qadar top-klubni boshqarmagan. Ammo, uning "Brayton"i katta jamoalardek o'ynashga harakat qildi — pressing bilan va to'pga ko'p egalik qilish bilan. "CHelsi" ham ilk daqiqalardan shunday futbolchi ko'rsatdi. Bir tarafdan, dastlabki 40 daqiqada zarbalar bo'yicha ko'rsatkich "CHelsi" tomonida edi — 8:0. Boshqa tomondan, butun birinchi taymdagi aniq zarbalar farqi 1:0 edi, ha, "Zalcburg" hisobiga.
 Chelsea Raheem Sterling - 48' | Champions League Grp. E . 2-tur 15/09/2022, 00:00 1 : 1 Tugadi |  Salzburg Noah Okafor - 75' |
Stadion: Stamford Bridge, 38818 tomoshabin
Bosh hakam: Ivan Kruzliak
Aytish mumkinki, birinchi bo'limning eng qiziqarli lahzasi bosh hakamning uskunalar bilan "vaqtni olishi" bo'ldi (u uch daqiqadan ko'proq vaqt davomida mikrofonga nima bo'lganini aniqlashga urindi), ammo birinchi taym so'nggida ancha bahsli vaziyat sodir bo'ldi. Kovachich jarima maydonchasi ichiga kirdi va to'p raqib qo'liga tegdi. "CHelsi" o'yinchilari penalti talab qilishdi, ammo hakam "yo'q" dedi. Ammo, tanaffusdan so'ng gol urishdi.
"CHelsi" bir necha paslar bilan o'z jarima maydonlaridan raqibnikiga o'tib ketishdi, Sterling esa dastlab to'pni o'ziga o'nglab oldi va ikkinchi teginish bilan uzoq burchakka uni aniq yo'naltirdi. Maunt katta ehtimol bilan aynan Sterlingga pas bermagandi, ammo deyarli assist ro'y berdi. Ammo, assist to'pga bazo'r tekkan Obameyang hisobiga yozildi.
VIDEO ECHL. "CHelsi" - "Zalcburg" 1:1
"CHelsi" goldan so'ng ustunlikni berishni xohlamadi. Jamoa o'yin davomida 72% to'pga egalik qildi. Ammo, "Zalcburg" tezkor hujumga o'tib ketdi, bu vaqtda Kovachich to'qnashuvdan so'ng raqib yarim maydonida yotgan edi. Ammo, Okaforning yakunlovchi zarbasini murabbiy markazga qo'ygan Aspilikueta yopa olmadi. Mendining jarohati sabab darvozaga qo'yilgan Kepada qutqarish uchun imkoniyat kam edi.
SHunday qilib "CHelsi" CHempionlar Ligasini ikkita o'yindagi bir ochko va "E" guruhidagi so'nggi o'rin bilan boshlamoqda.
"CHelsi" (Angliya) – "Red Bull" (Avstriya) 1:1 (0:0, 1:1)
Gollar: 1:0 – 48 Sterling, 1:1 – 75 Okafor.
"CHelsi": Arrisabalaga, Djeyms, Aspilikueta (Ziesh, 81), Tiago Silva, Kukurelya, Kovachich (Gallaxer, 81), Jorjino, Maunt, Xavertc (Loftus-CHik, 66), Obameyang (Broya, 66), Sterling (Pulishich, 84).
"Red Bull": Ken, Dedich, Bernardo, Pavlovich, Ulmer, Zayvald, Suchich (Kameri, 70), Kapaldo, Kergor (Gurna-Duat, 46), Okafor (Koyta, 85), SHeshko (Adamu, 70).
Ogohlantirishlar: Adamu (76), Pavlovich (77), Ulmer (77), Djeyms (79), Kapaldo (89).
Alisher Ostonov tarjimasi
Bosh sahifaga
179