Turning yana bir qiziqarli uchrashuvi. Garchi markaziy maqomga mos bo'lmasada, bu yildan boshlab o'tkazilayotgan yangi Toshkent "derbisi". Derbilar esa doim murosasiz o'tishi bilan ajralib turgan. Bugungi bahs ham shunday kechishi mumkinmi? Jamoalar qanday holatda? Quyida shu haqida fikrlashamiz.
 Olimpik | Superliga. 19-tur 15/09/2022, 19:30 - : - Boshlanmadi |  Bunyodkor |
"Neftchi"ga qarshi o'yindagi mag'lubiyatdan so'ng "Bunyodkor" murabbiylar shtabi to'liq yangilandi. Endilikda "qaldirg'ochlar"ga klub o'rinbosarlari bilan ishlab kelgan Ivan Boshkovich ustozlik qiladi. Ayni paytda qanday holatda ekanligimiz barchaga malum. Lekin biz "Bunyodkor"miz. O'ylaymanki, vaziyatni yaxshilash va mavsumni hozirgi egallab turgan o'rnimizdan teparoqda yakunlashimiz mumkin. Oldinda 8ta o'yin qolgan. Kerakli ochkolarni jamg'arish zarur",- deydi chernogoriyalik murabbiy. Aytish mumkinki, "Bunyodkor"dagi vaziyat raqibinikidan bir muncha yomonroq. Poytaxt klubi ikkinchi davrada 1ta bahsda g'alaba qozondi. 3ta mag'lubiyat, 1ta durang natija qayd etdi, 5ta o'yin 4 ochko.
Fikrimcha, garchi jamoaga yangi murabbiy tayinlangan bo'lsada, baribir ustunlik mezbonlarda bo'ladi. Birinchidan barqaror shakllangan o'yin, maydon faktori va ruhiyat. Boshkovichga esa hozir oson emas. Hammasini vaqt ko'rsatadi. Balki o'ziga hos "sovg'a" tayyorlashi ehtimoli yo'q emas.
Ivan Boshkovich: "Hozirgi vaziyatni yaxshilash mumkin. Biz "Bunyodkor"miz"
14-tur. "So'g'diyona" - "Bunyodkor" 2:0
15-tur. "Bunyodkor" - "Qizilqum" 1:2
16-tur. "Lokomotiv" - "Bunyodkor" 0:0
17-tur. "Dinamo" - "Bunyodkor" 1:2
18-tur. "Bunyodkor" - "Neftchi" 1:2
Ular bugun sobiq jamoasiga qarshi maydonga chiqadi
"Olimpik"da to'p tepayotgan Otabek Jo'raqo'ziev, Farruh Muhtorov, Abdurauf Bo'riev, Mironshoh Sattorov, Jasur Xoldorov."Bunyodkor" akademiyasi tarbiyalanuvchisi hisoblanadi.
“OLIMPIK” — “BUNYODKOR”
15 sentyabr. Toshkent. “Jar” stadioni. 19:30
Bosh hakam: Temur To'xtasinov.
Qanot hakamlari: Sardor Nishonboev, Avazbek Abdullaev.
Zaxiradagi hakam: Lochin Dolimov.
Nazoratchi: Dmitriy Roman.
Komissar: Aziza Tatlimuratova.
Bosh sahifaga
179