"Udineze" - "Inter"
"Kichik zebralar" bu mavsum yaxshi o'yin ko'rsatishmoqda. Jamoa anchadan buyon 6 turdan keyin 4-o'rinda bo'lmagandi. "Inter"ga qarshi bahsda Biyol va Masina klubiga yordam berolmaydi, biroq hujum etakchilari ajoyib formada. Simone Indzagida ham muammolar bor: Lukaku hamon jarohatini davolash bilan band, CHalxanoglu esa kuni-kecha mashg'ulotda kichik jarohat oldi. SHuning uchun, asosiy tarkibda yana Mxitaryanni ko'rsak kerak. Himoya markazida Stefan De Vrey o'rniga yana Acherbi tushirilishi kutilmoqda.
Bu jamoalar so'nggi bor to'qnash kelganida "Inter" ushbu stadionda 2:1 hisobida zafar quchgan. Bu safar ham aynan milanliklar favorit hisoblanadi. Biroq "Udineze" osonlikcha taslim bo'ladiganlardan emas va "qora-ko'klar"ga oson bo'lmaydi. Jamoa hatto jadvalda vice-chempiondan yuqoriroqda turibdi.
 Udinese | Serie A . 7-tur 18/09/2022, 15:30 - : - Boshlanmadi |  Inter |
Stadion: Dacia Arena - Stadio Friuli
Bosh hakam: Paolo Valeri
Allegrining ko'chasida ham xursandchilik deb bo'lmaydi. O'zi shundoq ham kam bo'lmagan jarohatlanganlar qatoriga Aleks Sandro ham qo'shilgani etmagandek, murabbiy o'tgan turda qizil kartochka olgan Milik va Kuadrado xizmatlaridan ham foydalana olmaydi. Jamoa muxlislari biroz bo'lsa-da, quvonchiga sabab Anxel Di Mariya safga qaytgan, ammo hozircha zaxiradan o'yinga qo'shilsa kerak.
Jamoalar o'tgan yili Silvio Berluskoni homiyligida o'tgan musobaqada ro'baro kelishgan. O'shanda "Yuventus" 2:1 hisobida zafar quchgan. Mutaxassislar "keksa sinora"ni favorit deb hisoblasa ham, oson bo'lmasligini taxmin qilmoqda.
 Monza | Serie A . 7-tur 18/09/2022, 18:00 - : - Boshlanmadi |  Juventus |
Stadion: U-Power Stadium
Bosh hakam: Fabio Maresca
Jamoalarning o'zaro o'yinida "Roma" kichik (1:0) hisobda zafar quchgan. "Jalorossi" bo'lajak bahsning ham favoriti sifatida ko'rilmoqda. "Atalanta" mavsumni zo'r boshladi va 1-o'rinda ketmoqda. Biroq jarohatlar jamoa muxlislarini tashvishga solayotgani turgan gap. "Roma"ning taqvimi tig'iz bo'lsa ham bergamoliklarga oson bo'lmasligi tayin.
Bosh sahifaga
221