- Kamerun va Kosta Rikaga qarshi o'yinlardan nimalar kutyapsiz?
- Uzoq muddatdan keyin sizlarga bilan ko'rishib turganimdan xursandman. Ikkita kuchli raqib, ikkita Jahon chempionatiga chiqqan jamoalar, yuqori darajadagi jamoalar. Bu darajadagi jamoalarga qarshi o'ynamaganmiz. Men hayajonlanmayapman, ammo qiziqayaman, ularga qarshi qanday o'ynaymiz. Ularni ko'rib chiqdim, kuchli jamoalar. Superligani ham, legionerlarimizni ham kuzatdim. Biz yanada kuchayshimiz kerak.
- Bo'lajak o'yinlarda qanday natijalar qoniqtiradi?
- Bu o'rtoqlik o'yinlari. Har qanday natija bo'lishi mumkin. Har bir o'yin turlicha va qiyin bo'ladi. Raqiblar asosiy futbolchilari bilan o'ynashadi. Jahon chempionatiga oz qoldi va ular o'rtoqlik o'yinlarida barcha futbolchilarini sinovdan o'tkazib olishadi. Bu o'yinlarda o'zimizning holatimiz qandayligini tekshirib olamiz. Bu bahslar bizning futbolchilariga xabar bo'ladi. Osiyo kubogiga oz qoldi va futbolchilarimiz o'z holatlarini yaxshilab borishlari kerak. Superligani kuzatib tashvishdaman, taxminan 20ta tur o'tdi va to'purar bo'lib turgan futbolchi 30 yoshdan oshgan. Bizda muammolar bor.
- Hozir tarkibga chaqirilgan 23 futbolchiga etibor qilsak ko'pchiligi o'z klubida o'yin amaliyotiga ega emas. Ayniqsa hujumchilarimiz. CHaqirilgan futbolchilar o'z chizig'idagi eng kuchlilarimi?
- Bilaman nimani so'rayotganizni. Bu bosqichda balki kimdir yaxshiroq holatdadir, Umarov va O'runov kabi futbolchilarda sifat bor. Ular hali yosh va qisqa muddat ichida terma jamoaga yordam bera oladigan darajaga ko'tarilishi mumkin. Bazi o'yinchilarimiz bor, 30 yoshga to'lgan va haligacha terma jamoada o'ynamagan. Ularni kuzatib borayapman, o'z holatlarini yaxshilashlari kerak. Hozir yig'inga chaqirilgan futbolchilar zamonaviy futbolda o'ynay oladiganlar. Kuchli jamoalarga qarshi istalgan futbolchilarni chaqirish noto'g'ri.
- O'runov va Umarov kelajakda terma jamoaga yordam bera oladigan darajaga chiqishi mumkin dedingiz. Iskanderov va Boltaboev esa hozir tayyor futbolchilar. Tayyor futbolchilardan foydalanish to'g'ri bo'lmasmidi?
- To'g'risini aytsam Kamerun o'yinlarini kuzatdim. Iskandarov Kamerunga qarshi o'ynay olmaydi. Kamerunga qarshi o'ynash boshqa daraja. Ularning eng kichkina futbolchisi 1.80 bo'yga ega. Hammasi jismoniy tomonlama baquvvat futbolchilar. Balki noyabr oyidagi yig'inga Iskanderovni chaqirarmiz. Noyabr oyida yana ikkita o'rtoqlik o'yini o'tkazamiz. Hatto SHomurodov hozir kam o'ynayapti. Klubida zaxiraga kiritilmasa ham terma jamoaga chaqiraveraman. Men bilan bir yildan ortiq ishlamagan futbolchilarni hozir chaqirish qanchalik to'g'ri bo'lardi?
- Masharipov jarohat olgan. Uning o'rnini Oybek Bozorov bosishi mumkin. Ammo uning ham bo'yi pastroq. Kamerunga qarshi foyda keltirishi mumkinmi?
- Ko'ramiz, siz ko'rasiz, biz ko'ramiz. Boshqa variantimiz yo'q edi. Bozorovning o'rnida o'ynashi mumkin bo'lgan futbolchi bormi?
- SHomurodov o'z klubida o'ynamasa ham terma jamoaga chaqiriladi dedingiz. O'sha paytda yaxshi o'ynab gollar urayotgan boshqa hujumchiga nisbatan xiyonat emasmi? Vaholanki siz o'z klubida zaxirada qolib ketayotgan ikki nafar darvozabonni almashtirdingiz.
- Bizda darvozabonlar murabbiyi bor. Bu savolni unga berish kerak. Darvozabon va hujumchini solishtirish kulguli emasmi? Men hazillashdingiz deb o'ylayman.
- Terma jamoada o'ynash uchun raqobat bo'lishi kerakmi?
- Yo'q.
- Noyabr oyida Rossiya bilan o'ynashingiz mumkin degan xabarlar chiqdi. Bunga tayyormisiz?
- Bilmayman. SHunday mish-mishlarni eshitdim. Bilishimcha Rossiya 3ta o'rtoqlik borasida kelishib bo'lgan. Hozircha noyabr oyida kimlarga qarshi o'ynashimizni bilmayman. Bu yomon, ammo haqiqat shunday.
- Milliy terma jamoa bilan U-23 terma jamoa darajasi butunlay boshqacha. O'zbekistonlik futbolchilarning 20 yoshda darhol burni ko'tarilib ketmoqda. Siz 40 yosh bo'lsangiz ham qolgan futbolchilarni hurmat qilishingiz kerak. Yoshlar esa hakamlar bilan talashadi, bahslashadi. Bu yomon. Yoshlar futboli boshqacharoq, ularni terma jamoaga qo'ysam boshqa darajada o'ynashi kerak. Kamida 100ta o'yin o'tkazgan futbolchilarga qarshi o'ynashga tayyor bo'lishi lozim. Yosh futbolchini qo'yib sinab ko'rishim va o'ynay olmadi deyishim mumkin. Ammo unday qilmayman va tayyor bo'lganida tushiraman faqat. Angliyada 15 yoshli futbolchi maydonga tushibdi, rekord! Ammo 15 yoshli yigitchaning xayolida nimalar borligi hech kim bilmaydi. Bu murabbiy uchun katta masuliyat hisoblanadi. Taxminan 1 yildan keyin uning o'yiniga baho bersa bo'ladi.
- Yosh futbolchilar men kutgandek o'ynmayapti. Terma jamoada bazi o'yinchilar ham oldigi o'yinini ko'rsatmayapti. Agar ular bu narsani tushunsa yaxshi, agar shunday o'ynashda davom etsa menga bu narsa yoqmaydi. 10 nafar yangi futbolchini qo'shib olib jamoa sifatida shakllantirish qiyin, bunga vaqt talab etiladi. Bunga vaqt kerak. Husayn ko'p gollar urishi kerak, kerak bo'lsa pressing qilishi kerak.
To'ldirilmoqda
Bosh sahifaga
241