Patris Evra Ser Aleks Fergyussoning nutqini esga oldi.
“U kiyinish xonasiga kirib, o'tirganini eslayman va barchamizga qarab: “Allaqachon g'olib bo'lganman. Biz allaqachon g'alaba qozonganmiz, hatto maydonga chiqishimiz ham shart emas. O'zingizga qarang, bizda internacional jamoa bor: koreyalik, argentinalik, braziliyalik, francuz, ingliz, ispan, polyak. Bu erda ko'p millatli jamoani ko'rib, allaqachon g'olib bo'lganman.
Keyin u tarjimai holimiz haqida gapirishni boshladi: “25 bolani boqishga to'g'ri kelgan Patris Evraning onasi qanday qiyinchiliklarni boshdan kechirganini tasavvur qiling. Karlos Teves Buenos-Ayresda qanday o'sgani, Andersonning Faveladagi hayotini ko'z oldingizga keltiring.
U barchamizning tarjimai hollarimizni gapirib berdi va bu bizni tasirlantirdi. U futbol haqida birorta ham so'z aytmadi, faqatgina hayotimiz haqida gapirdi. Keyin esa kiyinish xonasidan chiqib, o'zimizni jangchilardek his etdik va o'lishga ham tayyor edik. Bu uning “Yunayted”dagi faoliyatimdagi eng zo'r nutqi edi”, deya eslaydi Evra.
Bosh sahifaga
3570