"Yuventus" sobiq futbolchisi Klaudio Markizio Turin klubidagi vaziyatga baho berdi. "Byankoneri" CHempionlar Ligasida 2 ta o'yinda mag'lub bo'ldi va A Seriya turnir jadvalida 8-o'rinni egallab turibdi.
"Muammo "Yuventus"ning yutqazayotganida emas. Har qanday jamoa mag'lubiyatga uchraydi. Ammo "Yuventus" "Monca"ga gol urmasdan mag'lub bo'ldi. Jamoa, murabbiy va klub o'rtasida kelishmovchiliklar bor, buni izohlardan ham bilish mumkin. Kuchli jamoa bilan siz hatto 10 nafar o'yinchi bilan ham o'z o'yiningizni tashkillashtira olasiz. "Yuventus" bunga qodir emas.
Allegriga kelsak, umid qilamanki, tomonlar hammasini hal qilishadi. CHempionat ikki bosqichda o'tkaziladi va murabbiyni almashtirish uchun tanaffusni kutish shart emas. Bu juda nozik holat. Allegri klubga pandemiya paytida qaytdi, juda ko'p xarajatlar bo'ldi. Lekin u xato ortidan xatoga yo'l qo'ymoqda. Jamoa yil boshidan o'sishga erishmadi", – dedi italiyalik.
Oldinroq "Yuventus" Allegri kelajagi haqida gapirgan edi.
Bosh sahifaga
212