Alisher SHog'ulomov rahbarligidagi jamoa azolari yig'in doirasidan o'rin olgan galdagi o'rtoqlik uchrashuvida "Navbahor"ni o'z maydonida qabul qildi. Qiziqarli o'tgan uchrashuvda maydon egalari yirik 5:2 hisobida g'alabani tantana qildi. O'yindan so'ng jamoa rahbari Alisher SHog'ulomov fikrlari bilan o'rtoqlashdi.
"Jamoamizda 80 foiz narsani o'zgartirdik. Futbolchilarimizni ayrimlarini ijaraga bergan bo'lsak, yana bazilarini shartnomasi yakunlandi. SHu bois tarkibni yoshartirdik, yangiladik. Oldimizga oliy maqsadlarni qo'yganmiz.
Ko'rganingizdek yangi afrikalik legioner hujumchi Sandey Song bilan uch yillik shartnoma imzoladik. Turkiya klubidan jamoamizga keldi. O'zini ko'rsatishiga ishonaman. SHerzod Qodirov hozirda jamoamizda shug'ullanmoqda, agarda kelishuvga erishsak faoliyatini shu erda davom ettiradi. Agarda Superliga jamoalaridan takliflar tushsa ko'rib chiqamiz.
Ibrohim Tomivani "Oq-tepa"da o'ynashini o'zimiz ham istagandik. U aslida o'tgan mavsumda "Bunyodkor" jamoasiga o'tishi kerak edi. Lekin, malum sabablarga ko'ra bu amalga oshmagandi. Vadim Karlenovichga vada bergandim. Tomivani "Bunyodkor"da qolishi to'qson foizga aniq bo'lib ulgurgan. Agarda u shaxsiy tomonlarini kelisha olsa mavsumni yangi jamoada boshlaydi.
Serxio Marinangelini "Mashal"ga o'tishiga munosabatim oddiy. Ushbu murabbiyga yangi chaqiruv tushdi. Biz har bir murabbiy va futbolchining o'sishi uchun hissa qo'shishni istaymiz",- deydi SHog'ulomov.
Bosh sahifaga
423