Unda O'zbekiston futzal terma jamoasi ham ishtirok etadi. Turnir oldidan terma jamoa futzalchisi Mashrab Odilov o'z fikrlari bilan o'rtoqlashdi.
Musobaqaga olib borilgan tayyorgarlik xususida
- Albatta, biz musobaqaga ajoyib tarzda tayyorgarlik ko'rdik. Yaratilgan sharoitlarimizdan kelib chiqib, kuniga ikki mahaldan mashg'ulotlar o'tkazdik. Qolaversa, Ispaniyadan jismoniy tayyorgarlik bo'yicha mutaxassis olib kelindi. Bu orqali holatimizni yanada oshirib oldik. Umuman olganda, tayyorgarlik reja asosida o'tdi.
Guruhdagi raqiblari borasida
- Biz ishtirok etadigan guruhda yaxshi terma jamoalarga qarshi o'ynaymiz. Aytaylik, Tojikiston va Turkmaniston bilan musobaqadan oldin o'zaro o'rtoqlik uchrashuvlarida o'ynadik. Yomon emas va ularga qarshi qiziqarli bellashuvlar bo'lib o'tadi. Bahrayn esa biz uchun notanish raqib sifatida qolmoqda.
Musobaqa g'olibligi uchun davogarlar haqida
- Osiyo chempionati g'olibligi uchun bir nechta terma jamoalar o'zaro bizga qarshi raqobatchilik qilsa kerak. Mening nazarimda, Eron, Indoneziya va Yaponiya terma jamoalari hamda Tailandni qo'shish mumkin.
Asosiy maqsad borasida
- Co'zsiz Quvaytdagi musobaqada g'oliblikni qo'lga kiritish uchun tashrif buyurdik. 2016 yilda o'tkazilgan musobaqada g'olib bo'lishimiz mumkin edi. Bunga juda yaqin kelgandik. Biroq o'shanda omad bizdan yuz o'girgandi. Bu gal esa O'zbekiston xalqiga quvonch ulash uchun Quvaytga keldik va chempionlikni maqsad qilganmiz.
Jahon chempionatidan keyingi terma jamoa holati xususida
- Jahon chempionatidan keyin O'zbekiston futzal terma jamoasi yanada kuchaydi. Bu esa oldimizda turgan musobaqada bizga asqotishi mumkin. Biz ancha o'sdik va kuchli darajaga chiqa oldik deb o'ylayman. Umuman olganda, bejizga bu erga kelmaganimizni isbotlash niyatidamiz.
Bosh sahifaga
3508