O'yin haqida
- Bugun murosasiz va teng kurashlar ostidagi bellashuv bo'lib o'tdi. Bu o'yinda yutishimiz ham, balki mag'lubiyatga uchrashimiz ham mumkin edi. Futbolchilarimizga minnatdorchilik bildiraman, ular oxirigacha kurashdi. “Buxoro” bilan bahsdagi natijani esdan chiqarib, keyingi o'yinlarga tayyorgarlik ko'rishimiz kerak.
- Jamoangiz “Buxoro”ga qarshi bahsda bo'sh harakat qildimi yoki berilgan ko'rsatmalarni bajara olishmayaptimi?
- Men bunday fikrlarga qo'shilmayman. Futbolchilarimiz berilgan ko'rsatmalarni bajarishga harakat qilishmoqda. Agarda penaltidan foydalana olganimizda g'alaba qozonishimiz ham mumkin edi. O'yinni qayta ko'rib chiqib, vaziyatlarni taxlil qilamiz. SHuni ayta olamanki, yigitlar harakat qilyapti.
- Ikkinchi penaltini ham Murtozaev tepaman deganmidi?
- Bizda shtatli penaltilar bor. Bular Murtozaev, Abduraimov va Avilovlar. Qaysi biri birinchi o'ziga ishonmasa, ulardan biri bundan foydalanardi. O'yindan keyin foydalana olmagan penaltisini so'raganimda, u o'ziga ishonib, yo'nalishni o'zgartirdim dedi. Bu vaziyatda mehmonlar posboni omadli chiqdi. Ishonamanki, Murtazaev hali ko'plab gollar uradi va mavsum to'purari bo'la oladi.
- Bugun jamoaning ikki nafar futbolchisi jarohat olib, maydonni tark etdi. Ularning holati qanday?
- Jamoamiz shifokori bilan gaplashib ko'ramiz. Bilishimcha, Doniyor Ismoilovning boshidan olgan jarohati biroz jiddiyroq shekilli. Abdug'ani Kamolov va Sardor Telyakov ham shunday holatga tushdi. Etibor bergan bo'lsangiz, bugun majburiy o'zgarishlarni amalga oshirdik. Har bir murabbiyning o'yinga bo'lgan rejasi bo'ladi. Majburiy o'zgarishlar esa rejani o'zgarib ketishiga sabab bo'ldi. Lekin maydonga tushganlar ham jamoamiz o'yiniga ijobiy tasir qildi va kuchaytira oldi.
- Bugungi kunda Azam Alievning holati qanday?
- U endi mashg'ulotlarga qo'shildi. Ikki kun davomida umumiy mashg'ulotlarda ishtirok etdi. Umid qilamanki, Aliev kelgusi bahslarda jamoaga yordam beradi.
Bosh sahifaga
4039