29 yoshli futbolchi mamlakatning Uchinchi ligasida kurash olib boradigan "Espuar klub d’Abenguru"ning egalaridan biri bo'lganidan juda mamnun. U bilan birga, klub boshqaruvida uning fondini boshqaradigan ukasi Karin ham ish olib boradi. Kot d’Ivuar terma jamoasi uchun o'ynaydigan Zaa davlat poytaxti Abidjanda tug'ilgan va 4 yoshida Londonga ko'chib o'tgan.
"Bizda U-19 akademiyasi ham bor. Ushbu mavsumda ligada ham o'ynaymiz. Maqsadimiz yuqoriga ko'tarilish, lekin birinchi navbatda, yoshlarning yaxshi formada bo'lishi va tajriba orttirishidir”, – dedi futbolchining akasi.
Zaa "Arsenal" sobiq vingeri Jervino va "Bornmut" sobiq azosi Maks Gradeldan so'ng Ivuarda o'z klubini sotib olgan futbolchiga aylandi, shuningdek, "Barselona" yarim himoyachisi Frank Kesse esa ushbu mamlakatda mashg'ulotlar markaziga ega.
"Pelas" muxlislari sevimli o'yinchilaridan biri bo'lgan Zaa terma jamoasi bilan birga Qatardagi Jahon chempionatiga yo'llanmani qo'lga kirita olmadi. Ayni paytda u hamyurtlari bilan xalqaro o'rtoqlik uchrashuvlarida maydonga tushmoqda. Kot-d'Ivuar shanba kuni Togo ustidan 2:1 hisobida ustun kelganidan keyin seshanba kuni Gvineya termasiga qarshi maydonga tushadi.
Bosh sahifaga
173