Birinchi taymda Eldor SHomurodov Odil Hamrobekovning uzatmasidan keyin raqib darvozasini ishg'ol etishga erishdi. “Roma” forvardi terma jamoadagi 59-o'yinida 32-golni urib, to'purarlar ro'yxatida Aleksandr Geynrix hamda Mirjalol Qosimovni (31 tadan) ortda qoldirdi. Undan oldinda esa faqatgina Maksim SHackix (34 ta) bor.
SHuningdek, Eldor terma jamoa miqyosida eng ko'p gol urganlar ro'yxatida 94-99 o'rindagi futbolchilar bilan tenglashdi. Avvalroq, milliy jamoa libosida 32 ta gol urish SHandel Samuel (Sent-Vinsent va Grenadini), Mixalis Konstantinu (Kipr), Emmanuel Adebayor (Togo), Genrix Mxitaryan (Armaniston) hamda Roke Santa Krus (Paragvay)ga nasib etgandi.
SHackix esa Komminz Menapi (Solomon orollari), Mumuni Dagano (Burkina-Faso) va Sadio Mane (Senegal) bilan birga 89-92-o'rinlarda turibdi.
Eslatib o'tamiz, terma jamoa miqyosida gol urish bo'yicha mutlaq rekord portugaliyalik Krishtianu Ronalduga tegishli – 117 ta.
Bosh sahifaga
3750