Ivan Boshkovich boshchiligidagi "qaldirg'ochlar" o'z qarorgohlarida tayyorgarlikni davom ettirishmoqda. Kechagi mashg'ulotlarda barcha futbolchilar ishtirok etdi. "Navbahor"ga qarshi o'yinni Suhrob Izzatov va Davronjon Ergashev diskvalifikaciya sabab o'tkazib yuboradi.
Oldindagi bahs haqida Umarali Rahmonaliev o'z fikrlari bilan o'rtoqlashdi.
"Oldinda qiyin o'yin kutmoqda. "Navbahor" chempionlik uchun kurashayotgan jamoa hisoblanadi. SHunga yarasha tayyorgarlik ko'ryapmiz. Bu uchrashuvda yaxshi natija qayd etib, muxlislarni xursand qilishga harakat qilamiz. Borimizni beramiz, tamom. "Bunyodkor" nimalarga qodirligini ko'rsatmoqchimiz.
Sentyabr oyida terma jamoa bilan ko'p o'rtoqlik uchrashuvlarida maydonga tushdik. Urugvay, Argentina bilan kechgan bellashuvlar katta tajriba berdi. SHuning hisobiga bo'lsa kerak, Slovakiyaga qarshi bahs o'ylaganimizdanda engilroq kechdi",- deydi Umarali Rahmonaliev.
Eslatib o'tamiz, "Bunyodkor" - "Navbahor" uchrashuvi 1 oktyabr kuni 18:30da "Jar" stadionida bo'lib o'tadi. O'yinni Ilgiz Tantashev boshchiligidagi hakamlar jamoasi boshqarib boradi.
Bosh sahifaga
225