Turnir jadvali nuqtai nazaridan olib qaralganda mazkur turning yana bir markaziy o'yini. To'g'ri, ko'pchilikning etibori Toshkentdagi "Paxtakor" - "Nasaf" bahsiga qaratilishi turgan gap. Biroq Jizzaxdagi qarama-qarshilik ham kuzatishga arziydi. Quyida shu haqida gap boradi.
AGMK UCHUN JIZZAX "QO'RQINCHILI" TUSH
O'zaro o'yinlarga nazar tashlaydigan bo'lsak, jamoalar shu kungacha Jizzaxda Superliga doirasida 13 bor to'qnash kelishgan. Uydagi uchrashuvlarda mutloq ustunlik "So'g'diyona" tomonida. 7ta g'alaba, AGMK o'z tarixida faqat bir marotaba ortga g'alaba bilan qaytishga muvaffaq bo'lgan. 5ta o'yinda tomonlar murosa ko'chasini tanlashganini takidlash mumkin.
AGMKning "So'g'diyona" maydonidagi yagona g'alabasi
11.08.2018. Superliga 21-tur
"So'g'diyona" - AGMK 1:3
Gollar: Nikola Milinkovich 77 - Zohir Pirimov 30, Muzaffar Muzaffarov 51, Jasur Hasanov 65
Keyingi 4ta o'yinning 3tasida olmaliqliklar gol ham ura olishmagan
04.11.2018. "So'g'diyona" - AGMK 1:0
27.08.2019. "So'g'diyona" - AGMK 1:0
07.03.2020. "So'g'diyona" - AGMK 1:1
31.07.2021. "So'g'diyona" - AGMK 0:0
TURNIR JADVALIDAGI RAQOBAT YOXUD ULAR SOVRINLI O'RINLAR UCHUN KURASHDAN CHIQDIMI?
Yuqorida aytganimizdek, bugun turnir jadvalida yonma-yon ketayotgan jamoalar uchrashishadi. Ayni paytda AGMK 29 ochko bilan 6-o'rin, "So'g'diyona" 32 ochko bilan 5-o'rinda ketmoqda. Mirjalol Qosimov shogirdlari bu o'yindagi g'alaba orqali "So'g'diyona"ga etib olishlari va sovrinli o'rinlar uchun kurashga qaytishlari mumkin. O'z o'rnida 3ta frontda kurash olib borayotgan "So'g'diyona"da ham hali umid yo'qolmagan. O'z uylaridagi 3 ochko to'rtinchi o'ringa chiqib olishlariga zamin yaratadi. O'z-o'zidan ko'p narsa "Navbahor" va "Qizilqum" jamoalariga ham bog'liq. Ular ochko yo'qotgan taqdirda pastdagi ikki jamoada qulay vaziyat yuzaga kelish ehtimoli katta bo'lardi. Amalda kecha navoiyliklar o'z maydonlarida "Metallurg"ga engilishdi. Bu esa AGMK va "So'g'diyona"ga ancha qo'l kelishi kundek ravshan.
SO'NGGI O'YINLARDA SINALAYOTGAN "SO'G'DIYONA"
Balki charchoq alomati yoki tig'iz taqvim sabablidir, "So'g'diyona" Superliganing so'nggi 5ta uchrashuvidan 4tasida engildi. "Dinamo"ni mag'lub etgan jamoa, "Navbahor" va "Neftchi" bilan nursiz durang qayd etdi, "Olimpik" va "Metallurg"ga mag'lubiyatga uchradi. Sovrinli o'rinlar uchun kurashayotgan klub uchun oldindagi 2ta turning muhimlilik darajasi o'ta yuqori. Raqiblar AGMK va "Nasaf". Xuddi shunday, AGMKda ham, raqiblar "So'g'diyona" va "Qizilqum" yani turnir jadvalidagi raqobatchilarga qarshi.
YO'QOTISHLAR
SHahboz Jo'rabekov, Daniel Nasriddinov, Iskandar SHoyqulov bugun "So'g'diyona"ga yordam bera olmaydi. AGMKdan esa Murodjon Toshmatov jarohati sabab o'yinni o'tkazib yuboradi.
Bosh sahifaga
3466