Vadim Abramov ikki qayiqni boshqarishda davom etadimi? Bundan qaysi tomonga foyda?

SHu qatorda terma jamoalar masalasi ham ko'rib chiqilgan va ijroiya qo'mita qaroriga muvofiq shu yildan O'zbekiston milliy, olimpiya va yoshlar terma jamoalari bosh murabbiylarining faqat terma jamoada ishlashi shart qilib qo'yilgandi. 

Lekin, Vadim Abramov "Bunyodkor" jamoasi ishtirokidagi o'yinlarda ko'rinish berayotganini barcha bildi. To'g'ri, terma jamoa murabbiyi sifatida ushbu holatni tabiiy qabul qilsak bo'ladi. Yani terma jamoaga nomzod futbolchilarni kuzatgani kelayotgan bo'lishi mumkin. Ammo, o'yin davomida ko'rsatmalar berayotganini qanday izohlash mumkin? Bu joriy mavsumga jamoani Abramovning o'zi tayyorlayotganini anglatadimi? Murabbiyning "Bunyodkor" bilan shartnomasi 2020 yilning 31 dekabr kuni nihoyasiga etgan. Qonun-qoidaga ko'ra amalda shartnomasi bo'lmagan murabbiy jamoani boshqarishi mumkin emas yoki Abramov klub bilan yangi bitimga imzo chekkan. Ushbu masala mavhumligicha qolmoqda. Mutaxassis OAVlardan biriga bergan intervyusida "Bunyodkor"dan ketishini va butun etiborini O'zbekiston milliy terma jamoasiga qaratishini aytgan. Ammo hozircha biz bu gaplarini isbotini ko'rganimiz yo'q. SHu o'rinda savol tug'iladi: termamiz murabbiyi ushbu mavsumda ham avvalgi yillarda bo'lgani kabi ikki jamoada faoliyatini davom ettiradimi? Ha, javobi yo'q. Oldinda bizni masuliyatli uchrashuvlar kutmoqda. SHunday ekan, asosiy etiborni terma jamoaga qaratgani maqulroq. Nima bo'lganda ham, milliy terma jamoa manfaati barcha narsadan ustun turishi lozim. Avvalgi yillarda bunday tajriba hech qanday naf bermagan, Mirjalol Qosimov 2008 va 2014 yilda terma manfaati yo'lida ikki bor klubdagi ishini tashlab ketishga majbur bo'lgan. Abramov murabbiyligida ikki bor olimpiadadan quruq qolganimiz esdan chiqmaydi. O'shanda u "Traktor" hamda O'zbekiston milliy terma jamoasini birga boshqargan. Bir xatoni ikkinchi bor takrorlash bizni mundial orzusidan yana bir bor mosuvo qilmasa edi. 

Ikki qayiqni birvarakayiga boshqarib, ikkisida ham cho'kib ketgan yaxshimi yoki bir qayiqni boshini tutgan holda manzilga muvaffaqiyatli tarzda etib borgan yaxshimi. Ko'pchilik ikkinchi variantni maqullashi tabiiy. Ikkita quyonni ketidan quvgan oxiri hech birini tuta olmaydi va o'ljasidan quruq qoladi. Bu bir oddiy hayotiy misollardir. Abramov nimani o'ylayotgani faqat o'ziga malum. Hozirda Timur Kapadze "Lokomotiv"ni, Ravshan Haydarov esa "Surxon"ni tark etgan . Ular yoshlar va olimpiya terma jamoalarida faoliyatlarini davom ettirishmoqda. Yaqin orada Abramovning ham "Bunyodkor"ni rasman tark etgani haqida malumotlar chiqishiga ishonamiz.

Abdulaziz Iskandarov