Jumladan, Superliganing 20-turida bekobodliklar safarda "Qizilqum"ga qarshi maydonga tushib, 1:0 hisobida g'alaba qozonishdi. Ushbu o'yindan keyin "Metallurg" futbolchisi Farruh Ibrohimov fikrlariga quloq tutdik.
- Farruh, dastlab "Qizilqum" bilan o'yin haqida fikrlaringiz bilan bo'lishsngiz...
- Navoiyda juda qiyin bahs o'tishini oldindan bilardik. SHunga yarasha tayyorgarlik ko'rgandik. Murabbiylar tomonidan berilgan ko'rsatmalarni to'liq bajarishga harakat qildik. Jamoamiz bilan g'alaba qozonishni astoydil istadik va yakunda muvaffaqiyat qozondik.
- "Metallurg" ikkinchi davraga kelib o'z o'yinini topib olgandek....
- Darhaqiqat, biz birinchi davraga qaraganda ancha sifatli barqaror va hujumkor o'yin ko'rsatmoqdamiz. O'yin jihatidan o'sishga erishdik.
- Jamoa mavsumni qaysi o'rinda tugatishni maqsad qilgan?
- Xudo xohlasa, kuchli oltilikka kirish va muxlislarni chiroyli o'yinlarimiz bilan yanada xursand qilish.
- Ayting-chi, joriy mavsumdagi faoliyatingizdan qoniqish hosil qilyapsizmi?
- Joriy mavsum boshidan beri bosh murabbiyi menga ishonch bildirib, o'yin amaliyoti bermoqda. Futbolchi sifatida bu mavsum o'sishga erishdim. SHu o'rinda menga ishonch bildirayotgan bosh murabbiyga minnatdorchilik bildiraman.
- Umuman olganda, bosh murabbiyning talablarini tushunishda muammo bo'lmayaptimi?
- Bilasizmi, jamoamiz bosh murabbiyi ko'proq hujumkor o'yin talab qilmoqda. Qolaversa, ko'rsatmalarni tushunib olish qiyin bo'layotgani yo'q.
Bosh sahifaga
4062