Argentinalik futbolchi to'pni osongina jonli devordan tashlab qo'ydi — "Lester" sobiq posboni Kasper SHmeyxel esa to'pni shunchaki ko'zlari bilan kuzatib qo'ydi.
Bu Messining faoliyatidagi jarimadan urgan 60-goli bo'ldi — PSJ tarkibida birinchisi. Leo so'nggi bor jarima to'pidan 2021 yilning mayida gol urgan ("Barselona" tarkibida) — o'shanda "Valensiya"ning omadi kelmagan. SHundan so'ng 29ta urinish (26tasi PSJda) bo'lgan, ammo ularning barchasi muvaffaqiyatsiz. Messining Liga 1dagi jarima zarbalarining uchtasi shtanga ("Lion", "Renn" va "Lill")ga tekkan.
Hozirda zarbalar barchasi joyida — Messi "Nicca"ga qarshi golga qadar ayyorlik bilan Yamaykaga qarshi o'rtoqlik o'yinida to'pni jonli devordan o'tkazgan. Ketma-ket ikkita o'yinda jarimadan gol urish — noyob hodisa. Faqatgina Leo uchun emas. Unda ketma-ket uchta o'yinda jarimadan gol urish bo'yicha seriya ham bo'lgan.
Biz Leoning barcha aniq zarbalarini bitta suratga joyladik: Bu erda Messining qaysi musobaqalarda va qaysi poziciyalardan urganini ko'rish mumkin.
Terma jamoadagi jarima zarbalari bo'yicha batafsilroq. Musobaqalar bo'yicha gollar quyidagicha:
• JCH saralashida — 4
• Amerika Kubogida — 3
• Jahon chempionatida — 1
• O'rtoqlik o'yinlarida — 1
Messi uchun yoqimli bonus — Krishtianu Ronaldu bilan o'rtadagi farq yanada kattalashdi.
Yillar o'tgani so'ri bu natijalarning o'zgarishi kishini hayron qoldiradi. Ronaldu 2011 yilda jarimadan 30ta, Messi esa atigi 4ta gol urgan edi.
Portugaliyalik so'nggi bor 16 aprelda "Norvich" darvozasiga gol urgan. Krishtianu bunga qadar 651 kun aziyat chekkandi — quruq seriya Ronaldu "Torino" darvozasiga gol urgan 2020 yilning 4 iyulidan beri davom etib kelayotgan edi.
Ronalduning samaradorligini hisobga olsak ("Yuve"da 71ta zarbada 1ta gol, MYUda 10ta zarbada 1ta gol), Messi farqni yanada oshirishi kutilmoqda.
Alisher Ostonov tarjimasi
Bosh sahifaga
3538