Kecha Franciya chempionatida o'ynaydigan 43 yoshli Vitorino Ilton haqida malumot bergan edik. Bugun APLning eng keksa o'yinchisiga to'xtalishni lozim topdik.
Bu — "CHelsi" darvozaboni Vilfredo Kabalero. U 1981 yilda Argentinada tug'ilgan. "Boka Xuniors" tarbiyalanuvchisi 2004 yilda Evropaga ko'chib o'tgan edi ("Elche"ga). Faoliyati davomida "Malaga", "Manchester Siti" va "CHelsi" klublari darvozasini qo'riqlagan posbon terma jamoaga ilk bor 2018 yilda (37 yosh) jalb qilingan edi.
Joriy yilda 40 yoshni qarshi oladigan futbolchi va "CHelsi" o'rtasidagi shartnoma 2021 yilning 30 iyuniga qadar amal qiladi.
"Qariyalar ro'yxati"da 2-pog'onani "SHeffild Yunayted" himoyachisi Filip Yagelka egallab turibdi. Uzoq muddat davomida "Everton" sharafini himoya qilgan angliyalik futbolchi avgust oyida 39 yoshni qarshi oladi.
Bosh sahifaga
1063