"Arsenal" va "Liverpul" bir necha yillardan beri ilk bor qarama-qarshi statusda uchrashishdi: londonliklar APL etakchisi sifatida, mersisaydliklar esa mavsum boshini muvaffaqiyatsiz o'tkazishdi va jadval o'rtasida yurishibdi.
• "Arsenal" ilk daqiqadayoq gol urdi – Edegor Sakadan kelgan to'pni Martinelliga yo'naltirdi va u to'pni darvoza to'riga kiritdi. "Kanonirlar" oldinga o'tgan holda, birinchi taymga qo'shib berilgan beshinchi daqiqada (olti daqiqadan) yana gol urishdi, shunday ekan ular o'yinning birinchi qismini gollar bilan yopishdi.
• Ularning orasida Darvin Nunes to'p kiritdi. Urugvaylik mavsum boshida eng yaxshi to'purarlik uchun Erling Xoland bilan kurashishi taxmin qilingandi, ammo u avgustdan beri gol urmadi va qaysidir payt umuman zaxira o'yinchisiga aylanib qoldi.
• "Arsenal" ikkinchi taymda ham o'tkirroq edi – xavfliroq hujumlar qildi, ha, zarbalar statistikasi ham bundan dalolat beradi: "Arsenal"ning 11ta urinishidan 10tasi jarima maydonchasidan bo'ldi, ularning deyarli barchasi aniq zarbalar. "Liverpul"ning zarbalari esa ikki karra kam, aniqlari esa atigi ikkita.
• Bukayo Saka dubl qayd etdi – yosh o'yinchi Premer-ligada 20ta gol urdi. Bunga qadar bu muvaffaqiyatga undan tezroq "Arsenal" tarkibida faqatgina Nikolya Anelka (20 yosh va 41 kun, Saka – 21 yosh va 34 kun) qilgan.
• "Liverpul" – "Arsenal" uchun juda noqulay raqib. Londonliklar bunga qadar "Liverpul"ni asosiy vaqtda 8ta o'yinda yuta olishmagan (penaltilar orqali ikkita g'alaba bo'lgan). Asosiy vaqtdagi so'nggi g'alaba 2020 yilning iyulida (2:1) sodir bo'lgan edi.
• "Arsenal" "Man Siti"dan jadvalda oldinda bormoqda va hozircha etakchilik qilmoqda – Arteta yigitlari to'qqizta o'yinda 24 ochko jamg'arishdi, Pep Gvardiola jamoasida esa bitta ochko kam. Londonliklar chempionatdagi dastlabki to'qqizta o'yindan sakkiztasini to'rtinchi bor yutishdi (2007/08, 2004/05 va 1947/48). "Arsenal" 9+ o'tkazilgan o'yinlardan so'ng 2016 yilning 10 dekabridan beri ilk bor jadvalda etakchilik qilmoqda (o'shanda 15-tur edi).
• "Liverpul"da esa barchasi yomon. sakkizta o'yinda 10 ochko. Bu APLda so'nggi 10 yilda ushbu bosqichdagi eng yomon natija – "Liverpul" o'shanda sakkizta o'yinda 9 ochko olgan va yakunda ettinchi bo'lgandi.
Mersisaydliklar sakkizta o'yinda atigi ikki bor yutishdi, so'nggi uchta o'yin g'alabasiz. "Liverpul"dan hatto yaqinda Klopp jamoasidan 0:9ni qabul qilib olgan "Bornmut" (+2 ochko) ham yuqorida.
Bu klubning barcha muammolari emas: jarohat olgan o'yinchilarning uzun ro'yxatini Luis Dias va Trent Aleksander-Arnold to'ldirishdi. Kolumbiyalik 42-daqiqada maydonni tark etdi, angliyalik esa tanaffusdan so'ng qaytmadi. Klopp o'yindan so'ng Diasda "tizzasi bilan nimadir yaxshi emas"ligini, Trentda esa to'piq jarohati ekanligini aytdi.
"Liverpul"ni oldinda "Enfild"da "Man Siti" bilan kutib turibdi. Klopp uchun bundan ham noqulayroq vaziyatni o'ylash qiyinroqdek.
VIDEO APL. "Arsenal" - "Liverpul" 3:2
"Arsenal" – "Liverpul" 3:2 (2:1, 1:1)
Gollar: 1:0 – 1 Martinelli, 1:1 – 34 Nunes, 2:1 – 45 Saka, 2:2 – 53 Firmino, 3:2 – 76, penalti Saka.
"Arsenal": Remsdeyl, Uayt, Gabriel, Saliba, Tomiyasu, Djaka, Parti, Edegor (Tirni, 82), Saka (Fabiu Vieyra, 90), Gabriel Jezus (Nketia, 90), Martinelli.
"Liverpul": Alisson, Aleksander-Arnold (Gomes, 46), Matip (Konate, 69), van Deyk, Cimikas, Xenderson, Tiago Alkantara, Salax (Fabino, 69), Diogu Jota (Elliott, 81), Dias (Firmino, 42), Nunes.
Ogohlantirishlar: Dias (6), Edegor (45), Gomes (71).
 Arsenal Gabriel Martinelli - 1', Bukayo Saka - 45', Bukayo Saka - 76' | Premier League . 10-tur 09/10/2022, 20:30 2 : 3 Tugadi |  Liverpool Darwin Nunez - 34', Roberto Firmino - 53' |
Stadion: Emirates Stadium
Bosh hakam: Michael Oliver
Alisher Ostonov tarjimasi
Bosh sahifaga
3347