Uchrashuvdan oldin zominliklar futbolchisi Muhammad Odilov fikrlariga quloq tutdik.
- “Yangier” bilan o'yinlarda jamoamizga omad etishmayapti deb o'ylayman. Har ikki bahsda ham shu jihat sabab mag'lub bo'ldik. Hozirda esa yo'qotadigan hech narsamiz qolmagan. Bu safar g'alaba uchun maydonga tushamiz.
Pro-ligada kam gol urayotganimga sabab 1-davrada jarohatim bor edi. Natijada ko'p vaqtimni maydon tashqarisida o'tkazishimga to'g'ri keldi. SHunga qaramay, gollar urishga intilmoqdaman. Hozircha gollarim soni 5 taga etdi. O'tgan mavsum men sof hujumchi sifatida o'ynardim. Bu yil esa asosan o'ng qanot yarim himoya chizig'ida o'ynamoqdaman. SHunday bo'lsada, gollar urib, jamoaga yordam berishni intilmoqdaman. Mavsum yakuniga qadar gollarim sonini yanada ko'paytirmoqchiman.
Biz Pro ligada jon saqlab qolish imkoniyatimiz bor. Buning uchun oldinda turgan bellashuvlarda g'alaba qozonishimiz kerak. Har bir futbolchi o'z ishiga professional yondoshsa, ijobiy natijalar qayd eta olamiz", - deb so'zini yakunladi Odilov.
Bosh sahifaga
471