Jahon futbol ligalari associaciyasiga 2015 yilda asos solingan bo'lib, uning bosh qarorgohi SHveycariyaning Cyurix shahrida joylashgan. Ayni vaqtda unga 44 mamlakat futbol ligalari azo hisoblanadi. O'zPFL hamda associaciya o'rtasidagi aloqalar shu yilning iyul oyidan boshlangandi. O'tgan vaqt davomida tashkilot O'zPFL bilan bog'liq musobaqalar, hujjatlar va boshqa materiallarni o'rganib chiqdi. SHundan keyin associaciya bosh kotibi Jerom Perlemuter O'zPFL bosh direktori Diyor Imomxo'jaev bilan sentyabr oyida aloqaga chiqdi va suhbatda ligamizni 45-azo sifatida qabul qilishga tayyor ekanligini malum qildi. SHundan kelib chiqib, ayni vaqtda O'zPFL mazkur forumda kuzatuvchi maqomida ishtirok etmoqda.
Mazkur tashkilot boshqaruv kengashi raisi Meksika futbol ligasi rahbari Enrike Bonilla hisoblanadi. Uning o'rinbosarlari sifatida Angliya Premer-ligasi rahbari Richard Masters hamda MLS rahbari Don Garber faoliyat olib boradi. Ayni vaqtda Evropaning kuchli beshlik milliy chempionatlari hisoblangan Angliya, Ispaniya, Italiya, Germaniya va Franciya ligalarining barchasi Jahon futbol ligalari associaciyasi azolari hisoblanadi. SHuningdek, Evropaning Turkiya, SHotlandiya, Belgiya, Portugaliya, Serbiya, Daniya, Ruminiya, SHveciya, Latviya, Polsha, Ukraina, Isroil, Greciya kabi mamlakatlari ham unga azodir.
Osiyo qitasidan shu kunga qadar Avstraliya, BAA, Yaponiya, Qatar, Saudiya Arabistoni, Malayziya, Janubiy Koreya va Tailand mamlakatlarining futbol ligalari Jahon futbol ligalari associaciyasi bilan hamkorlik qiladi.
Bosh sahifaga
237