Qishki o'quv-mashg'ulot yig'ini doirasidan o'rin olgan mazkur turnir jamoaga yangi mavsumga tayyorgarlik vazifasini o'taydi. Biz esa musobaqa boshlanishi oldidan "Bunyodkor"ning mahoratli yarim himoyachisi Abdulla Abdullaevning fikrlari bilan qiziqdik.
"5 yanvar sanasidan boshlab qarorgohimizda yig'ildik va mashg'ulotlarni boshladik. Dastlabki kunlarda ko'proq tiklanish mashqlariga etibor qaratildi. Boisi, jamoa tanaffusdan qaytgan, sport formasiga kirib olish uchun esa tiklanishga qaratilgan mashg'ulotlar zarur hisoblanardi. Ha, jamoada o'zgarishlar ko'p. Tarkibga yangi futbolchilar ham jalb qilindi. Tezroq chiqishib ketishga harakat qilyapmiz.
"Hokim kubogi" bahslari shiddatli va murosasiz kechishiga ishonaman. Nega deganda, vodiy jamoalariga qarshi ularning uyida to'p tepishning o'ziga yarasha qiyinchiliklari bor. Tojikiston, Qirg'iziston klublariga kelsak, bunday raqiblar bilan o'yinlar tajriba oshirish uchun xizmat qiladi. CHunki, jamoalar bir-birlarini bilmagan holda maydonga tushishadi. SHunisi bilan ham musobaqa qiziq o'tadi, deb o'ylayman.
Joriy yilda ham maqsadimiz o'zgarmaydi. Sovrinli o'rinlarni qo'lga kiritish va OCHLga yo'llanma olish uchun kurashamiz",- deydi Abdulla Abdullaev.
Bosh sahifaga
189