"Neftchi" jamoasi bundan bir necha soatlar oldin turnirdagi ilk uchrashuvini o'tkazdi. "Paxtakor-79"ni yirik 4:0 hisobida mag'lub etgan Ilhom Mo'minjonov shogirdlari musobaqani g'alaba bilan boshlashdi. Ushbu uchrashuvdan so'ng jamoasining gollaridan biriga mualliflik qilgan SHerzod Karimov championat.asia saytiga fikrlarini bildirib o'tdi.
"Toshkentdagi yig'in alo darajada o'tdi. Yig'in davomida barcha sharoitlarga ega mehmonxonada istiqomat qildik. Umuman barchasi zo'r bo'ldi, deya olaman.
Bugun birinchi o'yinimizda maydonga tushganimiz sababli hammada hayajon sezildi. SHunday sovuq havoda stadionga kelgan muxlislarga rahmat aytib qolaman. Ha, bu yilgi "Hokim kubogi" qiziqarli tarzda o'tadi. "Bunyodkor", "Turon", "Buxoro", "Qo'qon-1912" kabi yaxshi saviyadagi jamoalar ham ishtirok etmoqda. O'yindan o'yinga bir-birimizni yanada tushunib boramiz. SHuningdek birinchi o'rin sohibiga 50 million so'm berilishi avval bo'lmagan. Moliyaviy tomondan rag'bat klublarga qo'shimcha motivaciya berishi shubhasiz. Mazkur turnir barcha qatnashchilarga ajoyib tayyorgarlik vazifasini bajaradi,- deydi SHerzod Karimov.
Bosh sahifaga
288