Diyor Imomxo'jaev: "Ayni paytda FIFA to'rtta klubimizga taqiq qo'ygan"

"Surxon"
"SHo'rtan"
"Qo'qon-1912"
"Andijon"

Qo'qon-1912 Boyan Knejevich hamda Milosh Nikolich bilan bog'liq muammoga ega. Klub bu futbolchilar pullarini to'lab, FIFAga murojaat qildi. Bir necha kun ichida FIFA taqiqni olib tashlashi mumkin.

"Andijon" Vitaliy Mirniy bilan kelishuvga erishdi hamda FIFAga hisobot berdi. Radoslav Aleksich bilan qisman hisob-kitob qilindi, tez orada uning muammosi ham hal bo'ladi. Endilikda Ibe Mikael Okoro FIFAga arz qilganligidan kelib chiqib, muammo yana bittaga ko'paydi. Klub bu ishni ham hal qilish arafasida.

Biroq bu muammoning hammasi emas. FIFA Predrag Vuyovich ishi bo'yicha "Andijon"ga yana bir marta tartib-intizom ishini ochdi. Oldindagi besh kun ichida "Andijon" FIFAga o'z munosabatini bildirishi lozim. Xullas, eski rahbariyat qilgan ishlar uchun hali uzoq javob beriladi.

"SHo'rtan"da muammo etarli. Klubning 2020 yilgi mavsum uchun tasdiqlangan smetasi to'liq berilsa, muammo hal qilinadi. Yoki bo'lmasa 2021 yilgi mavsum uchun smetaga Vitaliy Varivonchik va Igor Kriushenko bilan bog'liq qarzdorlik kiritilishi shart. Ammo neftgaz sohasi bilan bog'liq klublarning barchasi so'nggi ikki yilda muammolardan chiqa olmayapti.

"Surxon" Vladimir Bubanya ishini va nihoyat egardan tushgani holda tan oldi. Rahbariyat futbolchi bilan faol muzokaraga kirishgan. Muammo hal qilinganidan keyingina FIFA taqiqni olishi mumkin.

Unga qadar O'zPFL mazkur klublar futbolchilarini ro'yxatdan o'tkazmaydi", - deb yozadi Diyor Imomxo'jaev telegramdagi o'z kanalida.