O'yin haqida
- "Buxoro" jamoasini g'alaba bilan tabriklayman. Biz raqib bir kishi kam bo'lib qolganda tashkil etgan hujumlarimizda tajriba va sovuqqonlik etishmadi. Ko'pincha himoyaviy uslubda o'ynaganimiz uchun hujumkor o'yin tashkil etishimiz lozim edi. Ammo, bugungi o'yinga tayyorgarligimiz himoyaviy uslubga qaratilgan edi. Birinchi bo'limda gol o'tkazmasak, g'alaba yoki kamida durang natijaga erishishimiz mumkinligini yigitlarga aytgandim. Futbolda shunaqa, demak mezbonlar bugun g'alabaga loyiq edi.
- Penalti haqidagi fikringiz?
- Takroriy vaziyatni ko'rdim, bu shubhasiz penalti. Etiroz yo'q, to'p qo'lga tegdi.
- Qizil kartochkaga munosabatingiz?
- Qizil ham bor edi. Futbolchi orqadan oyog'ini tiqib qo'pollik ishlatdi.
- "Xorazm" uchinchi o'rin uchun kurashdan chiqib bo'ldimi?
- Bilmadim, yil boshida bizda bunaqa reja yo'q edi. Oxirigacha kurashamiz. Yuqori beshlikda raqiblar safida bizdan ko'ra tajribaliroq futbolchilar ko'p. Albatta 3-o'rin kurashni davom ettiramiz.
- Marchianoga bugun faollik etishmadimi?
- Unga bugun imkoniyat yaxshi yaratib berilmadi. "Buxoro" yaxshi himoyalandi. Biz o'yin davomida bosqichma-bosqich hujumni kuchaytirib borishimiz kerak edi. Qizil kartochka va biz hujumkor o'ynashimizni kutmagandik. Yuqori beshlikda kurash avjiga chiqdi. Har bir jamoani o'z uslubi bor. Futbolchilarni ushlab qolishga harakat qilamiz.
- Yangi stadion xolati qanday?
- Yaxshi, lekin juda yuqori emas. "Buxoro", "Mashal" va boshqa jamoalarni maydoni biznikidan yaxshiroq.
Bosh sahifaga
146