 Buxoro Ro’zimboy Ahmedov - 4' | PRO liga. 23-tur 23/10/2022, 17:00 0 : 1 Tugadi |  Xorazm |
- Bir nechta tur oldin "Buxoro"ning ikkinchi o'ringa bo'lgan imkoniyatlari kam edi. "Turon"ning so'nggi o'yinlardagi ochko yo'qotishlari qo'l kelyaptimi?
- Ikkinchi o'ringa chiqishimiz qiyin bo'lib turgandi. Biroq jamoalar yuqori va quyi beshlikka ajralgach vaziyat o'zgardi. "Turon" ochko yo'qotishni boshladi. Bu bizga ancha foyda berdi. Oldimizdagi bor imkoniyatimizdan foydalanamiz. "Turon" bilan ochkolarimiz tenglashdi. Endilikda oldinga yanada jiddiy qadam tashlaymiz.
- "Xorazm" Pro liganing eng irodali jamoasimi?
- Kechagi raqibimiz yomon jamoa emasdi. Faqat uy o'yinlarini suniy maydonda o'tkazayotgani qolgan jamoalarga qiyinchilik tug'dirdi. "Xorazm" shu o'yinlarda ko'p ochko oldi. Ular ham uchinchi o'ringa harakat qilyapti. Lekin bir kishi kam bo'lganimizga qaramay muhim g'alabaga erishdik. Agarda moliyaviy tomondan yaxshi ko'mak berilsa, "Xorazm" Superligaga chiqishga haqli.
- Raqib safidagi hujumchi bu yil Pro liga kashfiyoti bo'la olyapti. Gap Rokki Marchiano haqida ketmoqda. Bu o'yinda uni qanday to'xtatib qoldinglar?
- Marchianoga yaqinroq o'ynashimiz kerak ekanligi aytilgandi. Murabbiylar kerakli ko'rsatmalarni berishdi. Ayniqsa himoyachilar hushyor o'ynashlari lozim edi. Rokki Marchianoga hech qanday imkoniyat qoldirmadik.
- "Buxoro"ning hozirgi murabbiylar shtabi va tarkidagi aksariyat futbolchilar o'tgan mavsum "Dinamo"ni Superligaga olib chiqqandi. Yakunda ular bilan kelishuv uzaytirilmadi. Bu alam qilmaganmidi? "Buxoro" bilan ham bunday holat takrorlanishidan qo'rqmaysizmi?
- "Dinamo"da to'p tepgan futbolchilar "Buxoro"da yig'ilganmiz. Qiyinchilik bilan bo'lsa ham Samarqandga Superligani qaytardik. Ozmi ko'mi mehnatimiz singdi. Rahbariyatning qabul qilgan qarori jamoaga tasir qildi. Buni hamma ko'rib turibdi. Yana Pro ligaga tushib ketish arafasida. Har qanday jamoani yangidan tashkil qilish qiyin. Nima bo'lganda ham o'tgan yilgi tarkibdan 10 nafar futbolchini olib qolish kerak edi, deb o'ylayman. SHaxsan men xafa emasman. Ammo yigitlarning mehnati bor. Nima ham derdim, oldinga intilishda davom etamiz.
- O'zbekiston kubogi finali "Buxoro" maydonida o'tadi. SHu kuni stadionda qaysi jamoa muxlislari ko'pchilikni tashkil qiladi, deb o'ylaysiz?
- Stadionimiz zamonaviy holga keltirildi. Kubok finalini tomosha qilamiz. Namanganlik bo'lganim uchun emas. Biroq "Navbahor" ishqibozlari stadionda ko'proq bo'ladi, degan taxmindaman. CHunki Superligada namanganlik muxlislarga etadigani bo'lmasa kerak.
- Superligada 16ta jamoa ishtirok etishi haqidagi gaplar ayni bolalagan payt. Bunga qanday munosabatdasiz? Mazkur holat Superliga uchun qanchalik foydali?
- Bu albatta yaxshi. Raqobat kuchayishi mumkin. Futbolchilarda o'yin amaliyoti ko'payadi. SHaxsan men ijobiy munosabatdaman.
Bosh sahifaga
145