Ushbu sahifada uchrashuvning matnli translyaciyasini kuzatib borishingiz mumkin.
YANGILASH
Nihoyat gol urib olgan "Real" futbolchilari to'xtash niyatida emas. Aksincha, ular yaxshi kayfiyatda yana ham ko'proq kuch bilan oldinga tashlanishmoqda.
70-daqiqa. GOOOOOOL! Vinisius Junior hisobni ochdi! Valverde bu golda nafaqat assist, balki undan ko'proq ish qilib berdi desak, mubolag'a bo'lmaydi.
68-daqiqa. Vinisiusga nisbatan fol, Kroos zarbani ijro etdi, lekin u uzatgan to'pga hech kim eta olmadi.
65-daqiqa. Ryudigerning kutilmagandagi xatosidan keyin Kurtua seyv ijro etishiga to'g'ri keldi.
63-daqiqa. O'zgarish! Asli "Real" tarbiyalanuvchisi bo'lgan Migel Guterres mushaklaridagi muammo sabab o'yinni davom ettira olmaydigan bo'ldi. Uning o'rnini Xaver Ernandes egalladi.
63-daqiqa. Karvaxalning uzatmasidan keyin Oriel Romeu to'pni maydon tashqarisiga chiqarib yubordi.
61-daqiqa. O'zgarish! Eduardu Kamavinga o'rniga Marko Asensio tushdi.
58-daqiqa. O'zgarish! Ian Kouto o'yinni davom ettira olmasligi malum bo'ldi. Uning o'rnini Rodrigo Rikelme egalladi.
57-daqiqa. Uzatmadan keyin mehmonlar vakili zarba berdi, biroz noaniq.
"Jirona" futbolchisiga yordam ko'rsatilmoqda.
55-daqiqa. Ogohlantirish! Toni Kroosdan "o'ziga xos" uslub ko'rdik. Germaniyalik Ian Koutoni qo'pollik bilan to'xtatib qoldi.
53-daqiqa. Maydondagi barchaning asablari taranglashmoqda. Muxlislar bunga yana qo'shimcha "kuch berishmoqda".
51-daqiqa. Ogohlantirish! David Lopes Vinisius bilan gap talashib qoldi va hakam unga kartochka ko'rsatdi.
47-daqiqa. Vinisius texnika ko'rsatib, bir raqibini aldab o'tdi, lekin keyin ikkinchisi to'pni maydondan chiqarib yubordi.
46-daqiqa. Ikkinchi bo'lim boshlandi!
45+2-daqiqa. Bo'limdagi oxirgi zarbani esa Fede Valverde chap oyoqda berdi, noaniq.
45+1-daqiqa. "Jirona" hujumchisi Alaba bilan kurashdan keyin yiqilib, hakamdan penalti belgilashini so'rab, yuzlanmoqda.
45-daqiqa. Birinchi bo'limning asosiy vaqtiga 2 daqiqa qo'shib berildi.
39-daqiqa. "Jirona" kutilmaganda chapdan tezkor hujum uyushtirdi, Karvaxal raqib bilan kurash oqibatida yiqilib tushdi, mehmonlar vingeri esa harakatini davom ettirdi va to'pni sherigiga tashlab berdi. Zarba esa juda kuchli chiqdi, lekin to'singa tegib qaytdi.
37-daqiqa. "Qirollik klubi" bosimni kuchaytirmoqda.
35-daqiqa. Endi esa Kurtua darvozasi tomonda burchak zarbasi. Natija esa bir xil.
32-daqiqa. Ferlan Mendi burchak zarbasi ishlab berdi. Biroq bu safar ham standartdan naf chiqmadi.
30-daqiqa. O'yinning dastlabki 30 daqiqasi ortda qoldi. Hozircha jamoalar hisobni ochishni uddalay olishmadi.
26-daqiqa. Karlo Anchelotti shtabi tomonidan alohida ko'rsatma bo'lgan chog'i, futbolchilar imkon bo'ldi deguncha uzoq va o'rta masofalardan zarba berishmoqda. Bu safar Federiko Valverde omadini sinab ko'rdi.
23-daqiqa. Valverde jarima maydonchasiga kirib, ikki raqibini chalg'itdi va to'pni Rodrigoga tashlab berdi. Braziliyalik futbolchining o'ng oyoqda bergan kuchli zarbasidan keyin to'p darvoza ustuniga tegib qaytdi.
22-daqiqa. Kamavinga yana jarima maydonchasiga kiraverishda to'pni Modrichdan qabul qilib oldi va uzoq pastki burchakni nishonga oldi, biroz noaniq.
20-daqiqa. "Jirona" o'ng qanotdan hujumga o'tdi va uzatmadan keyin bosh bilan zarba berildi, Kurtua jamoasiga yordam bera olmasdi, ammo to'p darvoza ustuni yonidan o'tib ketdi.
18-daqiqa. Har ikki jamoa chiroyli harakatlar orqali paslar berishdan cho'chimayapti. Aslida La Liga shunisi bilan ham boshqa chempionatlardan ajralib turadi.
15-daqiqa. Modrichning himoyachilarga bosimi oqibatida mehmonlar kiperi xatoga yo'l qo'ydi va Rodrigoga gol sovg'a qilishiga sal qoldi.
Qoida buzish bo'yicha ko'rsatkich 2:2.
11-daqiqa. Toni Kroos maydon markazida qoida buzdi.
9-daqiqa. Qisqa masofadagi uzatmalardan keyin Rodrigodan ajoyib zarba ko'rdik, ammo kiper ham undan qolishmadi. Burchak zarbasidan keyin ish zarbagacha etib bormadi.
6-daqiqa. "Jirona" to'pni nazorat qilib, hujum uchun imkon izlamoqda.
3-daqiqa. Edu Kamavinga bir raqibini chalg'itib, zarba berdi, biroz noaniq.
2-daqiqa. Vinisius to'pni o'ziga bo'ysundirishda texnikasini ishga soldi va muxlislar olqishiga sabab bo'ldi.
1-daqiqa. O'yin boshlandi!
Bosh sahifaga
139