Final haqida
O'yin qiyin o'tishini bilgandik. “Navbahor” jamoasi ham kuchli. Ko'rib turibsiz, bizga raqobatbardosh bo'lib turibdi. Superligada chempionlik uchun ular bilan kurashmoqdamiz. Ularni o'rganib chiqqandik. SHunga munosib tayyorgarlik ko'rgandik. Qiyin bo'ldi, omad biz tomonga kulib boqdi va g'alaba qozondik.
- “Navbahor” hujum chizig'ida tajribali futbolchilar o'ynaydi. Ammo ularga bugun deyarli imkoniyat berilmadi. Sizga kimnidir individual tarzda qo'riqlash yuklanganmidi?
- Yo'q, hech kimni individual tarzda qo'riqalash vazifasi topshirilmagandi. Lekin, hamma o'yinchilarni o'rganib chiqqandik. Murabbiylarimiz ko'rsatmalarni berishgandi. SHunga yarasha tayyorlandik.
- 2-taym oxirlarida Husniddin Aliqulov markaziy hujumchiga aylandi. O'sha paytda orqa chiziqda o'ynash sizga qiyinchilik tug'dirmadimi?
- Yo'q, bu narsa rejalarimizda bor edi. SHunday kerakli vaziyatda Husniddin oldinga, Umar aka esa orqaga o'tadi. O'ylangan rejamiz bor, shunga qarab harakat qildik.
- CHempionat finishiga 3 tur qoldi. “Nasaf” o'z tarixida ilk titulni qo'lga kirita oladimi?
- Xudo xohlasa, qo'ldan kelgancha bunga intilamiz.
Faxriddin Ro'ziev yozib oldi
Bosh sahifaga
117