O'yin haqida
"Ikki bo'limda ikki xil o'yin guvohi bo'ldik. Tan olish kerak, birinchi bo'limdagi o'yinimiz o'xshamadi. Sababi, maydonda juda xotirjamlik bilan harakat qildik. Raqib darvozasi yonida xavfli hujumlar tashkillashtira olmadik. Qolaversa, birinchi bo'lim boshida darvozabonimiz qo'pol xatoga yo'l qo'ydi. Lekin ikkinchi bo'limda xatti-harakatlari uchun shogirdlarimga minnatdorchilik bildiraman. Birinchidan, o'yin nazoratini o'z qo'limizga oldik. SHu bilan birga, uchta gol urishga muvaffaq bo'ldik va uch ochkoga ega bo'ldik. Bu esa Botirali Ergashevga ham dalda bo'ldi. CHunki ruhiy taraflama sportchining o'yinida pasayish kuzatilishi mumkin. SHu bois, yigitlar maydonda jonini berib harakat qilishdi hamda kerakli natijani qayd etishdi. Oldimizga qo'ygan maqsad uch ochko qo'lga kiritish edi. Fursatdan foydalanib, yomg'ir yog'ishiga qaramasdan, tashrif buyurgan muxlislarga minnatdorchilik bildiraman, ular chiroyli o'yin guvohiga aylanishdi, deb o'ylayman. Sababi, mehnati singan insonlarga rahmat aytib qolaman, maydon sifati judayam ajoyib darajada. Yomg'ir yog'ishiga qaramasdan, yigitlar chiroyli futbol ko'rsatishdi.
— Martin Boakening zaxiradan o'yinga qo'shilishi birinchi bo'limda "Neftchi" himoyasini o'rganish uchun qilingan harakatmi?
— Yo'q, negaki qo'l ostimda nechta futbolchi bo'lsa, ulardan imkon qadar foydalanishga harakat qilaman. SHu bois, maydonga chiqqan har bir futbolchi jamoa uchun jon kuydirishi lozim.
— O'zbekiston Olimpiya terma jamoasiga nomzod bo'lgan Eldor Begimovning o'yiniga munosabatingiz...
— Begimov zaxiradan maydonga tushib, yaxshi kirishib ketdi va jamoaning uchinchi golini urdi. Uning o'yiniga xulosa qilish uchun vaqt kamlik qildi", – dedi olmaliqliklar ustozi.
Bosh sahifaga
135