Boks. Aziza Yoqubova hakamlarning bahsli qarori tufayli mag'lub bo'ldi
/ Kiritdi: BestMaster O'qilgan: 105
Iordaniyadagi boks bo'yicha Osiyo chempionatida bugun ham bir nechta vazn toifalarida chorak final janglari o'tkazilmoqda.
Ayollar o'rtasida 50 kg. vaznda yurtimiz sharafini himoya qilayotgan Aziza Yoqubova hozirgina vetnamlik Ti Tam Nguenga qarshi jang o'tkazdi. Raqib bokschisi bo'y va qo'llarining uzunligi borasida ustunlikka ega bo'lgan bo'lsa, Aziza kuchli zarbalar evaziga raqibini qiyin ahvolga tushirishga harakat qildi.
Birinchi va ikkinchi raundlarda hakamlarning 3 nafari ustunlikni vetnamlik qizga berishgan bo'lsa, ikki nafari Yoqubovaning ustunligini ko'rsatdi. Ikkinchi bo'limdan so'ng hisob — 19:19, 19:19, 19:19, 19:19, 18:20 ko'rinishga keldi, Nguen foydasiga.
Uchinchi raundda esa vatandoshimiz tajovuzkorlikni oshirgan bo'lsa, Vetnam vakili charchab qoldi. Aziza Yoqubova so'nggi bo'limda juda ko'plab zarbalarni berdi, ammo hakamlar 3-raundni va jangni Nguen foydasiga hal etishdi — 0:5.
Eslatib o'tamiz, Aziza Yoqubova Istunbulda o'tkazilgan jahon chempionatida bronza medalini qo'lga kiritgandi.
Bosh sahifaga
224