Blatter: "JCh-2022 Qatarda emas, AQShda bo'lib o'tishi kerak edi, biroq Frantsiya prezidentining iltimosiga ko'ra o'zgarish ro'y bergan"
/ Kiritdi: BestMaster O'qilgan: 204
FIFAning sobiq prezidenti Yozef Blatter 2022 yilgi jahon chempionati AQShda o'tkazilishi kerak edi, biroq UEFA rahbari Mishel Platini Frantsiya prezidenti iltimosiga ko'ra Qatarga ovoz berganini aytdi. Keyinroq Qatar Frantsiyadan bir necha o'n milliard dollarga qiruvchi samolyotlar sotib olgani ma'lum bo'ldi.
"Qatar juda kichik davlat. Futbol va Jahon chempionati bu davlat uchun juda katta. Qatarni tanlash xato edi. Ijroiya qo'mitasida 2018 yilda Rossiya, 2022 yilda esa AQSh Jahon chempionatiga mezbonlik qilishi haqida kelishib oldik. Ikki uzoq yillik siyosiy raqiblar navbatma-navbat Jahon chempionatini tashkil qilishsa, bu tinchlik ishorasi bo'lardi.
Biroq FIFAning hal qiluvchi kongressiga bir hafta qolganida Platini menga qo'ng'iroq qilib, rejamiz amalga oshmasligini aytdi. Mishel bir kun avval Qatar shahzodasi bilan tushlik qilgan prezident Sarkozi saroyiga taklif qilingan. Sarkozi Platinidan: “Jahon chempionati mezboni tanlanganda Qatar uchun nimadir qilishga harakat qiling”, deb so'ragan.
Platini mendan mamlakat prezidenti biror narsa so'rasa nima qilishimni so'radi. Lekin men bu haqda hech o'ylamaganman, chunki Shveytsariyada prezident yo'q, deb javob berdim. Umuman olganda, aynan shunday bo'ldi: Platinining ovozlari evaziga jahon chempionati AQShga emas, Qatarga o'tdi. Albatta, gap pulga ham tegishli edi. Olti oydan so'ng Qatar Frantsiyadan 14,6 milliard dollarga qiruvchi samolyotlar sotib oldi”, — deya Blatter so'zlaridan iqtibos keltirgan Voetbal International nashri.
Bosh sahifaga
164