BAA kompaniyasi "Liverpul" klubini sotib olish variantini ko'rib chiqmoqda

Dubay hukumati va uning hukmron oilasining global konglomerati va jamoat fondi bo'lgan Dubai Holding tizimida bo'lgan Dubai International Capital kompaniyasi "Liverpul" klubini sotib olish imkoniyatini ko'rib chiqmoqda, deb xabar bermoqda Mirror nashri.

Manbaga ko'ra, kelishuv summasi taxminan 4,9 milliard evroni tashkil qilishi mumkin. Shuningdek, xabarda aytilishicha, ko'rsatilgan arab kompaniyasi 2007 yildayoq "Liverpul"ni sotib olishga da'vo qilgan, biroq 300 million evrodan sal ko'proq taklif rad etilgan.

Eslatib o'tamiz, avvalroq Fenway Sports Group kompaniyasi va "Liverpul" xo'jayini Jon Genri klubni qancha summaga sotishga tayyorligini aytgan edi. Amerikalik tadbirkor 4,6 milliard evro evaziga jamoa bilan xayrlashishga tayyor.

Jon Genri "Liverpul"ni 2010 yilda sotib olgan. Uning boshqaruvi davrida klub Chempionlar Ligasi (2019), Angliya Premer-ligasi (2020), UEFA Superkubogi (2019), Angliya Kubogi (2022), Angliya Superkubogi (2022), Angliya Ligasi kubogi (2012, 2022) sohibi bo'lgan.

Teglar: kompaniyasi, liverpul, klubini, sotib, olish, variantini, korib, chiqmoqda,
← OldingaOrqaga →