CAS Ekvador terma jamoasini JCh-2026 saralash bosqichida 3 ochkodan mahrum qildi
/ Kiritdi: BestMaster O'qilgan: 128
Sport arbitraj sudi (CAS) Ekvador terma jamoasini futbolchi Bayron Kastilo haqidagi yolg'on ma'lumotdan iborat hujjat ishlatgani uchun JCh-2026 saralash bosqichida uch ochkodan mahrum qildi. Bu haqda seshanba kuni CAS matbuot xizmati xabar tarqatdi.
5 may kuni Chili futbol federatsiyasi Kastilo kolumbiyalik bo'lgani va qalbaki pasport bilan o'ynagani uchun Ekvador terma jamoasini 2022 yilda Qatarda bo'lib o'tadigan jahon chempionatidan chetlashtirishni talab qilib, sudga murojaat qildi. Chili federatsiyasi Ekvador terma jamoasini Kastilo ishtirok etgan sakkizta saralash o'yinida to'plagan ochkolaridan mahrum qilishni, raqiblar esa avtomatik ravishda har bir o'yinda uch ochko olishini talab qildi. 11 may kuni Xalqaro futbol federatsiyasi (FIFA) Kastiloga nisbatan intizomiy ish ochgani ma'lum bo'ldi, biroq 10 iyun kuni tashkilot tartib-intizom qo'mitasi Ekvador futbol federatsiyasiga nisbatan ishni yopib qo'ydi. CAS yig'ilishida FIFA qarori ustidan ham apellyattsiya bergan Peru futbol federatsiyasi vakillarining vajlari ham ko'rib chiqildi.
CAS qaroriga ko'ra, Kastilo Ekvador terma jamoasida o'ynash huquqiga ega, ammo soxta hujjatlar uchun keyingi saralash turnirida jamoani uch ochkodan mahrum etishga qaror qildi. Ekvador futbol federatsiyasi 100 ming shveytsariya franki (taxminan 101,58 ming dollar) miqdorida jarima to'lashga majbur.
Bosh sahifaga
251