Doston Hamdamov: "Bizning g'alabalar jamoaning mashg'ulotlardagi mehnati mahsuli deb o'ylayman"
/ Kiritdi: BestMaster O'qilgan: 134
"Qizilqum" bilan o'yindan keyin "Paxtakor" matbuot xizmati Doston Hamdamovning o'yinga oid fikrlari bilan qiziqdi.
- Oxirgi turlarda jamoa ishonchli va chiroyli g'alabalarga erishmoqda, ushbu o'yin ham bundan istisno emas. Jamoa yuqori sur'atni ushlab oldi. Raqiblarning ochko yo'qotishi jamoaga ancha ustunlik berdi. O'yin oldidan jamoa qanday kayfiyatda edi?
- Bizning g'alabalar jamoaning mashg'ulotlardagi mehnati mahsuli deb o'ylayman. G'alaba qozonish har doim yoqimli. Biz uchrashuv oldidan raqiblarimiz o'yiniga e'tibor bermadik. Ushbu o'yin haqida o'yladik va o'zimizga kerak bo'lgan natijaga erisha oldik.
- Jamoa birinchi bo'limdayoq o'yin masalasini hal etgandek bo'ldi, lekin ikkinchi bo'limda ham gol urishda davom etdi. Tablodagi yirik hisob bunga isbot. Jamoa ikkinchi bo'limda ham o'yinni nazorat qilib turishiga nima sabab bo'ldi?
- Murabbiylar ko'rsatmasiga ko'ra, hujum qilishda davom etdik va yana gollar urdik. Ishtiyoq ham etarli edi. Yigitlar gol urishni istayotgan edi va shunga erishdik.
- So'nggi turda poytaxt derbisi kutmoqda va o'sha o'yinda chempionlik masalasi hal bo'ladi. Jamoada kayfiyat a'lo darajada, lekin oxirgi o'yin oson kechmasligi aniq.
- Albatta, chempionatni yakunlab beruvchi bahs oldinda bizni kutmoqda. Derbi oson bo'lmaydi, lekin barchasi o'z qo'limizda va qanday natijaga qayd etishimiz o'zimizga bog'liq. Jamoa chempionlikni maqsad qilgan. Chempionlikka erishish uchun qo'limizdan kelgan barcha imkoniyatlarni ishga solamiz" - dedi Hamdamov.
Bosh sahifaga
245