Boks. Sohiba Ro'zmetova qiyin kechgan jangda irodali g'alabaga erishib, finalga yo'llanmasini qo'lga kiritdi

Iordaniyadagi boks bo'yicha Osiyo chempionatida bugun ayollar o'rtasidagi yarim final janglari o'tkazilmoqda. 75 kg. vazndagi o'zbekistonlik sportchi Sohiba Ro'zmetova filippinlik Xergie Basiyadanga qarshi ringga ko'tarildi.

Birinchi raund raqib bokschisi ustunlikka erishdi va hakamlar o'z ovozlarini unga berishdi.

Ikkinchi bo'limda Ro'zmetova faollikni va zarbalarining aniqligini oshirdi. Natijada bu safar barcha hakamlar o'zbek qizining ustunligina e'tirof etishdi.

Uchinchi raundda bokschilar borlarini berib harakat qilishdi. G'olib nomini aniqlash qiyin edi. Bu narsa yakuniy baholarda ham ko'rindi va Sohiba g'alaba qozondi  — 3:2 (29:28, 29:28, 29:28, 28:29, 28:29).

Shu tariqa, Navbahor Hamidovadan so'ng Sohiba Ro'zmetova ham Osiyo chempionati finaliga chiqdi.

Teglar: sohiba, rozmetova, qiyin, kechgan, jangda, irodali, galabaga, erishib, finalga, yollanmasini, qolga, kiritdi,
← OldingaOrqaga →