"Atletik" himoyachisi "Barselona"ga o'tishi mumkinligi xabarlarga munosabat bildirdi

Inigo Martinesning Bilbaoning "Atletik" klubi bilan amaldagi shartnomasi mavsum oxirida yakuniga etadi.

Yozda futbolchi erkin agent sifatida "Barselona"ga o'tishi haqida mish-mishlar tarqalgan edi, ammo Jerar Pikening ketishi kataloniyaliklarni Martinesni qishki transfer oynasidayoq transfer qilish uchun harakat qilishga majbur qildi. Bu xabarga futbolchining o'zi munosabat bildirdi.

“Men bu erda baxtliman, o'zimni juda qulay his qilyapman. Aytaylik, mening kelajagim hali hal qilinmagan va hozir buni muhokama qilish vaqti emas. Men bunday suhbatlardan qochaman.

Muzokaralar olib borilmoqda, bu masala bilan vakillarim shug'ullanmoqda. Ular men uchun ham, "Atletik" uchun ham qo'llaridan kelganini qilmoqdalar", - dedi Martines Goal.com portaliga.

Teglar: atletik, himoyachisi, barselonaga, otishi, mumkinligi, xabarlarga, munosabat, bildirdi,
← OldingaOrqaga →