Boks. Lazizbek Mullajonov hindistonlik raqibini mag'lub etib, Osiyo chempionati finaliga chiqdi

Iordaniyaning Amman shahrida boks bo'yicha Osiyo chempionatining yarim final bahslari 10 noyabr, payshanba kuni bo'lib o'tmoqda.

Super og'ir vazn toifasida (+92 kg) O'zbekiston sharafini himoya qilayotgan Lazizbek Mullajonov yarim finalda Hindiston vakili Narenderga qarshi ringga chiqdi. Jangda Mullajonov to'liq ustunlikka erishdi va yakunda 5:0 hisobida g'alaba qozonib, final yo'llanmasiga ega chiqdi.

Finalda o'zbekistonlik bokschi qozog'istonlik mashhur charm qo'lqop ustasi Qamshibek Qo'nqabaevga qarshi jang qiladi.

Avvalroq Saidjamshid Ja'farov finalga yo'l olgan, Shahzod Muzaffarov, Athamjon Muhiddinov va Asadxo'ja Mo'ydinxo'jaev yarim finalda engilib, bronza medaliga ega chiqqani xabar qilingandi.

10 noyabr kuni yana quyidagi bokschilar o'z jangini o'tkazadi:

-51 kg: Hasanboy Do'stmatov — Harkhuu Enhmandah (Mo'g'uliston) (20:10 dan so'ng)
-57 kg: Abdumalik Halokov — Gantumur Lundaa (Mo'g'uliston) (20:45 dan so'ng)
-63,5 kg: Ruslan Abdullaev — Chu En Lai (Xitoy Taypeyi) (21:00 dan so'ng)
-80 kg: Odiljon Aslonov — Omurbek Bekjigit uluu (Qirg'iziston) (22:00 dan so'ng)
-92 kg: Madiyor Saidrahimov — Ahmat Sulayman (Iordaniya) (22:30 dan so'ng)

Teglar: lazizbek, mullajonov, hindistonlik, raqibini, maglub, etib, osiyo, chempionati, finaliga, chiqdi,
← OldingaOrqaga →