«Bunyodkor» prezidenti klub oldiga «Paxtakor»ni mag'lub etish vazifasini qo'ydi

9 noyabr kuni “O'zbekneftgaz” aktsiyadorlik jamiyati Boshqaruvi raisi, “Bunyodkor” futbol klubi prezidenti Mehriddin Abdullaev “Bunyodkor”ga tashrif buyurdi. Tashrifning avvalida Ivan Boshkovich murabbiyligidagi “qaldirg'ochlar” bilan uchrashgan Mehriddin Razzoqovich dastavval so'nggi turlardagi o'yin va natijalar bo'yicha fikr bildirib, mavsumni yaxshi kayfiyatda yakunlash zarurligini eslatib o'tdi.

“Yil o'yini” hisoblangan “Bunyodkor” – “Paxtakor” uchrashuvida ham g'alaba qozonish shartligini ta'kidlar ekan, albatta “derbi”dagi yutuq e'tiborsiz qoldirilmasligini ma'lum qildi. Buning uchun shunchaki mavsumning yakuniy bahsida g'alaba qozonib, muxlislarimizni xursand qilish kifoya!

Tashrifning ikkinchi qismida qayta ta'mirlash ishlari olib borilayotgan “Bunyodkor” stadionini ko'zdan kechirgan Mehriddin Razzoqovich ishchi xodimlar bilan yaqindan suhbatlashdi. Maydon va maysaning holati, olib borilayotgan ishlarni ijobiy baholagan Mehriddin Abdullaev mas'ul mutaxassislarga kerakli ko'rsatma hamda tavsiyalarni berdi.

Teglar: «bunyodkor», prezidenti, klub, oldiga, «paxtakor»ni, maglub, etish, vazifasini, qoydi,
← OldingaOrqaga →