Boks. Hasanboy Do'smatov irodali g'alabaga erishib, finalga chiqdi
/ Kiritdi: BestMaster O'qilgan: 125
Iordaniyaning Amman shahrida boks bo'yicha Osiyo chempionatida yarim final bahslari doirasida kechki dasturdan o'rin olgan janglar boshlandi.
Olimpiada chempioni Hasanboy Do'smatov final yo'llanmasi uchun mo'g'ulistonlik Xarxuu Enxmandaxga qarshi qiyin jang o'tkazdi.
Birinchi bo'limda hakamlarning 4 nafari ustunlikni mo'g'ul sportchisiga berishdi. O'zbekistonlik bokschi ikkinchi raunddan boshlab tajovukorlikni oshirib, o'z harakatlariga sportcha jahl qo'sha oldi. Natijada Hasanboy keyingi ikki raundni o'z foydasiga hal qilib, jangda g'alaba qozondi.
Do'smatov finalda qozog'istonlik jahon chempioni Saken Bibosinova qarshi to'qnash keladi.
Avvalroq Saidjamshid Ja'farov va Lazizbek Mullojonov finalga yo'l olgan, Shahzod Muzaffarov, Athamjon Muhiddinov va Asadxo'ja Mo'ydinxo'jaev yarim finalda engilib, bronza medaliga ega chiqqani xabar qilingandi.
10 noyabr kuni yana quyidagi bokschilar o'z jangini o'tkazadi:
-57 kg: Abdumalik Halokov — Gantumur Lundaa (Mo'g'uliston) (20:45 dan so'ng)
-63,5 kg: Ruslan Abdullaev — Chu En Lai (Xitoy Taypeyi) (21:00 dan so'ng)
-80 kg: Odiljon Aslonov — Omurbek Bekjigit uluu (Qirg'iziston) (22:00 dan so'ng)
-92 kg: Madiyor Saidrahimov — Ahmat Sulayman (Iordaniya) (22:30 dan so'ng)
Bosh sahifaga
150