Asror Aliqulov: «Ikki o'yindan buyon g'alabani qo'ldan chiqaryapmiz»
/ Kiritdi: BestMaster O'qilgan: 91
Pro Liga 26-tur «Sho'rtan» — «G'ijduvon» (1:1) uchrashuvidan so'ng tashkil etilgan matbuot anjumanining ikkinchi qismida mezbonlar bosh murabbiyi Asror Aliqulov ishtirok etib, jurnalistlar savollariga javob berdi.
— Bugungi o'yinni juda ham shiddatli kechdi deyish mumkin. Biz ham G'uzordagi so'ngi bellashuvda muxlislarimiz oldida g'alaba qozonishni niyat qilgan edik. To'p kiritdik. Hisobda oldinga chiqdik. lekin ikki o'yindirki g'alabani ushlab qola olmayapmiz. Himoyachimizning qo'pol xatosidan so'ng gol qo'yib yubordik. Oxirigacha g'alaba qozonish uchun harakat qildik. Lekin buni eplay olmadik.
— Asror aka, o'zingiz himoyachi bo'lgansiz. Bugun Shohzamon Xayrullaevni havaskorlarga xos xatosi jamoani ikki ochkodan mahrum qildi. Umuman o'sha gol o'tkazib yuborilgan vaziyat haqida nima deysiz?
— To'pni qabul qilishdagi texnik xato evaziga gol o'tkazib yuborildi. Hozir u ham kiyim almashtirish xonasida tushkunlikka tushib qoldi. Bunaqa xato futbolda uchrab turadi. Lekin himoyachi bunaqa xato qilmasligi kerak edi. Lekin bu gol o'tkazib yuboriladigan darajadagi qiyin vaziyat emasdi. Uning bu xatosi bizni ikki ochkodan mahrum qildi.
— Bugun «G'ijduvon» mehmon sifatida tashrif buyurgan bo'lsada, lekin hujumchi bilan harakat qildi. «Sho'rtan» esa hujumchi o'rniga hujumchini maydonga tushirdi. Zaxiradan tushgan Zoirov gol urishga erishdi. Zoirov ikkinchi bo'lim futbolchisimi?
— Yo'q. Biz tarkibda rotatsiya ham qilib turibmiz. Asad Samariddinovga ko'p imkoniyat bera olmadik. Ham bu bellashuvda Yangierdagi uchrashuvni ham inobatga olib harakat qildik. Oldingi turda Muhriddin o'zini ko'rsata olmagandi. Shu sababli Samariddinov asosiy tarkibdan o'rin oldi. Zoirov ikkinchi bo'limda jamoamizga to'liq kuch bilan qo'shilishini va oldinga tortishini maqsad qilgandik. O'ylaymanki, bu to'g'ri qaror bo'lgan edi. Chunki Muhriddin gol kiritdi va raqib himoyasini bosim ostida ushlab turdi. Ammo uning goli bizga g'alaba keltirmadi.
— Bugun «G'ijduvon» gol kiritilgandan so'ng o'yinni cho'zgandek bo'ldi. Bunga nima deysiz? «Sho'rtan» shunday vaziyatda bo'lganida vaqtni cho'zarmidi? Murabbiy sifatida nima deysiz?
— Bizning asosiy maqsadimiz yosh futbolchilarni katta futbolga tayyorlash. Raqibning qanday uslubda o'ynashi bu ularning rejasiga bog'liq. Biz g'alaba qozonganimizda ham, Yangierda bo'lib o'tgan uchrashuvda ham chempionat davomida ham bunday yo'l tutmaganmiz. Chunki biz futbolchilarga imkon beramiz. Ularning hozirgi mehnatlari ularning kelajagiga o'z ta'sirini ko'rsatadi. Biz futbolchilarga maydonda kurashishlariga qo'yib beramiz. Lekin g'alaba qozonayotgan bo'lsak, himoyalanishni ham unutmaslik kerak. Tablodagi hisobga qarab o'ynashni bilish kerak.
"Sho'rtan" PFK matbuot xizmati
Bosh sahifaga
155