Hakim Fuzaylov: «Futbolchilar bugun maydonning bir qarichi uchun kurashganlari maqtovga sazovor»
/ Kiritdi: BestMaster O'qilgan: 164
"Buxoro" bosh murabbiyi Hakim Fuzaylov Pro liganing 24-turi doirasida bo'lib o'tgan "Andijon"ga qarshi o'yin (3:0) borasida o'z fikrlari bilan o'rtoqlashdi.
«Biz "Andijon" qanday futbol o'ynashini va ularni Superliga yo'llanmasi yo'lidagi vazifalarini bajarib bo'lganliklarini ham tushunib turgan edik. Lekin biz hali o'z vazifamizni bajarib bo'lganimiz yo'q. Shu sababli yigitlarga bo'shashmaslikni, pastdan qisqa uzatmalar orqali, o'zimiz ko'nikkan o'yinimizni namoyish etishni so'radim. Hammasi biz aytganday bo'ldi desam adashmayman. Raqibimizda bo'yi baland futbolchilar ko'pligi uchun asosan yuqoridan va standartlardan unumli foydalananishadi. Jamoa shunga moslashgan va biz taxmin qilgandek harakat qilishdi. Qisqasi bugun bizning kunimiz edi. Jamoam borini berib, juda ham zarur bo'lgan 3 ochkoga ega bo'ldi. Lekin hali kurash tugamadi, biz o'z yo'limizda davom etamiz. Bugungi o'yin uchun barcha futbolchilarimga katta rahmat, maydonning har bir qarichi uchun kurashganlari uchun ular maqtovga sazovor. Bizning sevimli muxlislarimizga ham katta rahmat», — dedi Hakim Fuzaylov.
"Buxoro" matbuot xizmati.
Teglar: hakim, fuzaylov, «futbolchilar, bugun, maydonning, qarichi, uchun, kurashganlari, maqtovga, sazovor»,
← OldingaOrqaga →
Bosh sahifaga
155