«Liverpul»ning yangi rahbariyat davridagi tarkibi qanday ko'rinish oladi?

«Liverpul» klubi o'z egasi bo'lgan «Fenway Sports Group» tomonidan sotuvga qo'yiladigan bo'ldi. Bu qaror klub muxlislari va keng futbol ommasini hayron qoldirdi. Ushbu voqelik tez orada FSG'ning mersisaydliklarga 12 yillik egaligiga yakun yasab, klub tarixida yangi sahifa ochilishiga olib keladi. Ayni damda jamoani sotib olishga bir nechta milliarder xaridorlar qiziqish bilan qaramoqda. Bu esa Yurgen Klopp uchun ayni muddao bo'lishi mumkin...

«Liverpul»ning yangi xo'jayin(lar) qo'liga o'tishi, Kloppga katta imkoniyatlar taqdim etishi mumkin. Jumladan, klub transferlar borasida kengroq tanlovlarga ega bo'ladi. Bu esa, o'z navbatida Yurgen Kloppning uzoq muddatlik nishonlariga etishiga yordam beradi. O'sha nishonlardan biri «PSJ» yulduzi Kilian Mbappedir. 23 yoshli hujumchi yaqindagina o'z klubini tark etish niyatida ekanini bildirgan edi. Mbappega da'vogarlar orasida «Liverpul» ham mavjud. Frantsuz futbolchisining narxi 175 million evroga teng. Mersisayd klubining ayni damdagi holati bu narxni ko'tarmaydi. Ammo «Liverpul»ning yangi, boy egaga sotilishi, hammasini o'zgartirishi mumkin.

Kilian Mbappe Klopp orzusidagi yagona yulduz emas. «Liverpul» anchadan beri «Borussiya Dortmund» yarim himoyachisi Jyud Bellingemga qiziqish bildirib kelmoqda. 19 yoshli ingliz futbolchisi kelasi yozda nemis jamoasidan ketishi aytilgan. «Qizillar» 130 million funtga baholangan yulduzni sotib olish uchun eng asosiy da'vogar sanaladi. Ammo bunga erishish oson kechmasligi aniq. Negaki, Bellingemning boshqa, anchagina yaxshi moliyaviy qudratga ega bo'lgan xaridorlari ham bor. «Liverpul»ning bo'lajak egalari esa mana shunday xaridlar uchun «Real», «Manchester Siti» va «MYu» kabi raqiblar qarshiligini engib o'tishga qodir bo'lishi lozim.

«Liverpul» yarim himoyaga Bellingem bilan birgalikda Federiko Valverdeni ham jalb etmoqchi. Mersisaydliklar o'tgan yozda urugvaylik yulduzni sotib olishni eplay olmagan. «Real» futbolchisining ayni damdagi narxi 85 million funtga teng. Agarda yangi keladigan rahbariyat pulni ayamasa, mana shunday yangi yulduzlar bilan Yurgen Klopp o'z jamoasini katta marralar sari boshlash imkoniga ega bo'ladi.

Demak, «Liverpul»ning yangi davrdagi tarkibi quyidagicha bo'ladi:

Darvozada: Alisson Beker;
Himoyada: Gomes, Van Deyk, Aleksander-Arnold, Robertson;
Yarim himoyada: Bellingem, Valverde, Fabino;
Hujumda: Salah, Mbappe, Nunes.

Ingliz tilidan Jaloliddin ISMATOV tarjimasi

Teglar: «liverpul»ning, yangi, rahbariyat, davridagi, tarkibi, qanday, korinish, oladi?,
← OldingaOrqaga →